Imaannaanngitsumik pinerluttulerinermi inatsimmik unioqqutitsineq K 012/21

Eqqartuussissut Nunatta Eqqartuussisuuneqarfianit oqaatigineqarpoq ulloq 17. februar 2021.

Suliami pisimasuni 2 – 4- aningaasat pappilissat sukumiinerusumik misissorneqarneranit ersarippoq, pappilissat salloqittaataasut, pappilissat isumannaarsuutinik nalinginnaasunik arlalinnik amigaateqarmata, taamatuttaarlu pappilissat qorsummik meqqilerneqarsimallutik  oqaasertalerneqarsimallutillu ”LeftoverCurrency.com”.  

Nunatta eqqartuussisuuneqarfiata, unnerluussap nassuiaataata illuartinnissaa qularutiginngilaat, pappilissanik paarisaqarnermini, tassa ullut pingasut ingerlanerini pappilissat sukumiinerusumik misissorsimannginnerarneranut tunngatillugit, tassanilu pappilissat sisamariarluni akiliutitut atorsimallugit. Qaqutigoorpoq, pappilissat 1.000 koruunit akiliutitut atorneqartarneri, taamaattumillu ilimananngilaq unnerluussap sukumiinerusumik misissorsimassanngikkai, pappilissat 1.000 koruunik ulloq 18. januar 2020-mi tigusani pillugit. Unnerluussap ilimagisimassagaa, aningaasat pappilissat salloquttaasut aamma taperserneqarput, tassa marloriarluni taakkunannga 1.000 koruuninik salloquttaatinik akiliisimagami sodavandimik pisinermi, taamaalilluni taakkua pappilissat salloquttaatit aningaasaviit annertoqatingajaanik utertoqarnermi pissarsilluni.

Tamatuma kingorna nunatta eqqartuussisuuneqarfia isumaqarpoq uppernarsineqartoq, unnerluussap ilisimasimassagaa, taakkua 1.000 koruunit pappilissat sisamat peqquserluutaasimassasut, aamma suliami pisimasuni 2- 4-imi unnerluussissut malillugu annertussusilimmik pisuutinneqarpoq.

Pineqaatissiissut aalajangerneqarpoq qaammatini qulini pineqaatissinneqarsimasunut inissiisarfimmiittussanngortitsinermik. Nunatta eqqartuussisuuneqarfiata ingammik pingaartippaat tunngavilersuutigineqartut, eqqartussivimmit allanneqarsimasut suliami pisimasumi 1-imi aamma 5 – 10-imut tunngasut, peqquserluutinik aningaasaliorneq imaannaanngitsumik pinerluttulerinermi inatsimmik unioqqutitsinertut isigineqarpoq, aamma unnerluussap sisamariarluni aningaasat pappilissat peqquserluutit sisamariarluni piffinni assingiinngitsuni pingasuni atuisimanera pillugu.  

Taakku allannguutit taaneqartut ilanngullugit eqqartuussisuuneqarfiup eqqartuussut atuuttussanngortippaa.

Eqqartuussisoqarfiup eqqartuussutaa atuuttussanngortinneqarpoq allannguutit ilanngullugit, tassa unnerluussaq suliami pisimasuni 2-4 pisuutinneqartariaqarpoq, aamma pineqaatissinneqarsimasunut inissiisarfimmiittussanngortitsineq qaammatinut qulinut qaffanneqarpoq.

Suliap normua: K 012/21

Eqqartuussissutit nassuiaatillu