Nakuuserneq - K 033/21

Eqqartuussissut Nunatta Eqqartuussisuuneqarfianit oqaatigineqarpoq ulloq 24. februar 2021.

Unnerluutigineqartoq eqqartuussisoqarfimmit pisuutinneqarsimavoq unioqqutitsinermut pinerluttulerinermi inatsimmi § 88-mik, tassa ullormi 23. april 2019 meeraq marloriarlugu isassimagamiuk, annikitsunik aqqunarnernik kinguneqartumik.

Nunatta eqqartuussisuuneqarfiani suliarineqarnerani pineqartoq tassaavoq pineqaatissiissummik sivisussusiliinermik apeqqut.

Nakuusernerup isikkua isiginiarneqarluni, tassunga ilaatinneqarluni assammik siaarsumik patitsinialuit, pineqaatissiineq aalajangersarneqarpoq ulluni 20-ni pineqaatissinneqarsimasunut inissiisarfimmiittussanngortitsinermik.

Unnerluutigineqartup inuttut atugarissaartuunera tunngavigalugu aamma nakuusernerup annertussusia peqqarniissusialu, tassunga ilanngullugu taamaallaat killilimmik ajoqusiisimaneq ataasiaannarlunilu pisimammat, pineqaatissiissut utaqqisitanngortinneqarpoq ukiumik ataatsimik misiligaaffiligaq, tak. Pinerluttulerinermi inatsimmi § 129. Oqaatigineqartutut nakuusernerup peqqarnissusianut atatillugu, tunngavissaqartinneqanngilaq aalajagersaanissaq piumasaqaatitaliilluni inuiqatigiinni sulisitaanissamik.

Taamaattumik eqqartuussisoqarfiup eqqartuussutaa imatut allanngortinneqarpoq, unnerluutigineqartoq eqqartuunneqarluni ulluni 20-ni pineqaatissinneqarsimasunut inissiisarfimmiittussanngortinneqarluni, tamannalu utaqqisitanngortinneqarluni ukiumik ataatsimik misligaaffiliinikkut.

Eqqartuussisoqarfiup eqqartuussutaa imatut allanngortinneqarpoq, unnerluutigineqartoq eqqartuunneqarluni ulluni 20-ni pineqaatissinneqarsimasunut inissiisarfimmiittussanngortinneqarluni, tamannalu utaqqisitanngortinneqarluni ukiumik ataatsimik misligaaffiliinikkut.

Suliap normua: K 033/21

Eqqartuussissutit nassuiaatillu