23 febr 2021
Nunatta Eqqartuussisuuneqarfia
Nakuuserneq pillugu qaammatini 3-ni inissiisarfimmi - K 018/21
Angut 52-nik ukiulik Alluitsup Paa-ni nakuuserneq pillugu qaammatini pingasuni pineqaatissinneqarsimasut inissiisarfimmiittussanngortinneqarpoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 23. februar 2021.
Unnerluutigisaq eqqartuussivimmi pisuutinneqarpoq unioqqutitsisimanermut pinerluttulerinermi inatsisip §-iisa 88-ianik ulloq 23. juuni 2018-imi ilaatigut toqqusassisimallugu angut pineqartoq taassuma anersaartorniarnera ajornakusoortilersimallugu aamma kiinaatigut tillussimallugu, ilaatigullu tamatuma kingunerisimallugu alleruata napineqarneranik.
Suliaq eqqartuussisuuneqarfimmi pineqaatissiissutip uuttuuvigineqarnissaatut suliarineqarpoq.
Inatsisinik unioqqutitsinerup suunera, peqqarniissusia aamma angutip pineqartup unioqqutitsinikkut ajoquserneqarnera ataatsimoortumik naliliivigineqarneranni, piffissaq suliap suliarineqarneranut atorneqartoq eqqarsaatiginagu aammalu pissusit uiernertut ittut, unioqqutitsineq piliarineqarmat, tunngavissaqanngilaq eqqartuussiviup naliliineranit sakkukinnerusumik pineqaatissiinissaq.
Taamaattumik eqqartuussisuuneqarfiup eqqartuussiviup eqqartuussutaa atortussanngortippaa.
Suliap normua: K 018/21