Pinngitsaaleeriarneq - K 030/21

Eqqartuussissut Nunatta Eqqartuussisuuneqarfianit oqaatigineqarpoq ulloq 24. februar 2021.

Unnerluutigineqartoq eqqartuussisoqarfimmit pisuutinneqarpoq unioqqutitsinermut pinerluttulerinermi inatsimmi § 88-mik ullormi 30. juni 2016 arnamut pineqartumut kiinaatigut tillutsinermut.

Taamatullu aamma unnerluutigineqartoq pisuutinneqarluni pinerluttulerinermi inatsimmi § 77, imm. 1, nr. 1, tak. § 12 aamma § 96 unioqqutitsinermut, ullormi 28. juni 2019-mi – arnap pineqartup angerlarsimaffianut isertersimalluni – taliisalu qajannaaqqanerisigut qarlingeriaraluarsimallugu.

Nunatta Eqqartuussisuuneqarfiani suliami pineqartoq tassaavoq pineqaatissiissummik sivisussusiliineq aamma mitagaanermut ajunngitsorsiassanik aalajangersaaneq.

Inatsisinik unioqqutitsinerit annertussusiat aamma isikkua ataatsimut nalilersuiffigereerlugu pineqaatissiissutigineqartoq eqqartuussutaasoq qaffanneqarpoq qaammatini 9-ini pineqaatissinneqarsimasunut inissiisarfimmiittussanngortitsinermik.

Nunatta Eqqartuussisuuneqarfiata sivisussusiliinermini isiginiarsimavaa, pisimasoq 1-mi sivisussusiliineq Eqqartuussisoqarfik Kujalliup ilassutitut pineqaatissiissutaani eqqartuussutikkut ulloq 18. juli 2017-mi sivisussusiliinerunera. Naak unnerluutigineqartoq siusinnerusukkut eqqartuussutitigut kinguaassiutitigut pinerluuteqartarnernut pineqaatissinneqartarsimagaluartoq, taamatullu aamma unnerluutigineqartoq pinngitsaaleeriarnermut atatillugu angerlarsimaffimmi eqqissiviilliortitsinermut pisuutinneqaraluartoq, pisumi uani sukumiisumik nalilersuereernermi tunngavissaqanngilaq pineqaatissiinerup suli qaffaqqinneqarnissaa qaammatit 9-it pineqaatissiissutigineqartut saniatigut, unnerluussisussaatitaasunit eqqartuussisoqarfimmi suliap suliarineqarneranut atatillugu piumasaqaateqarsimaneratut.

Isiginiarneqarluni unnerluutigineqartoq siusinnerusukkut assingusumik pinerluuteqartarsimanera, tunngavissaqanngilaq pineqaatissiissutip utaqqisitanngortinneqarnissaa.

Taamaattumik Nunatta Eqqartuussisuuneqarfianit pineqaatissiissutitut eqqartuussut qaffanneqarpoq qaamatini 9-ni pineqaatissinneqarsimasunut inissiisarfimmiittussanngortinneqarnermik, taannalu utaqqisitanngortinneqanngilaq. Pineqaatissiissummik sivisussusiliisoqarpoq ilaatigut ilassisutitut pineqaatissiinikkut, tak. Pinerluttulerinermi inatsimmi § 124.

Nunatta Eqqartuussisuuneqarfianit eqqartuussisoqarfiup mitagaaneq pillugu ajunngitsorsiassanik aalajangiinera isumaqatigineqarpoq.

Taamaattumik Nunatta Eqqartuussisuuneqarfianit eqqartuussisoqarfiup mitagaanermut ajunngitsorsiassanik aalajangigaa atuuttussanngortinneqarpoq.

Eqqartuussisoqarfiup eqqartuussutaa allanngortinneqarpoq, pineqaatissiissut eqqartuussutigineqartoq qaffanneqarluni utaqqisitaanngitsumik qaammatini 9-ni pineqaatissinneqarsimasunut inissiisarfimmiittussanngortitsinermik.

Taarsiissuteqarnissamut akisussaassuseqarnermik inatsimmi § 16 tunngavigalugu mitagaanermut ajunngitsorsiassat ernialersorneqassapput.

Suliap normua: K 030/21

Eqqartuussissutit nassuiaatillu