Gå til sidens indhold

Nunatta Eqqartuussisuuneqarfia

14 jan 2022

Nunatta Eqqartuussisuuneqarfia

Pinerluuteqarsimasut inissiisarfimmiittussanngortitsineq - K 031/21

Angut 22-nik ukiulik pinerluuteqarsimasunut inissiisarfimmiittussanngortinneqarpoq Narsami arnamik pinngitsaalisimaneq pillugu.

Eqqartuussissut Nunatta Eqqartuussisuuneqarfianit oqaatigineqarpoq ulloq 22. februar 2021.

Unnerluutigineqartoq eqqartuussiveqarfimmi pinerluttulerinermi inatsimmi § 77, imm. 1, no. 2 unioqqutitsisimanera eqqortuutinneqarpoq, arnaq pineqartoq itiatigut atoqatigisimagamiuk, taanna pinaasernissaminut piffissami pisinnaannginnerani.

Suliaq Nunatta Eqqartuussisuuneqarfianut pineqaatissiinermut annertussusiliinissamut narrujummisitsisimanermullu taarsiiviginninnissamut annertussusiliinissamut tunngavoq.

Unioqqutitsisimanerup suussusaata sakkortussusaatalu nalilersoreerneragut aammalu piumasaqaatit Nunatta Eqqaartuussivianut saqqummiunneqarsimasut eqqarsaatigalugit, Nunatta Eqqartuussisuuneqarfiata eqqortuutippaa pineqaatissiissutip qaammatini sisamani pineqaatissinneqarsimasunut inissiisarfimmiittussanngortitsinermik qaffaasoqassasoq. Suliap suliarinerata sivisussusaa pineqaatissiinermut nalilersuinermi tunngavilersuutaanngilaq.

Narrujummisinneqarsimanermut ajunngitsorsiassat pinerluttulerinermi inatsimmi § 77, imm. 1, no. 2 unioqqutinneqarmat, aaliangerneqassaaq timitalerlugu aamma inatsik malillugu no. 140 28. februar 2018-iminngaanneersoq, Danmarkimi atuutilersimasoq 1. april 2018 – kinguaassiuutitigut atoqatigiinnermi ajunngitsorsiassat tamatingoortut qaffassimammata – naliginnaasumik 40.000-50.000 kruuninik taarsiiviginnittoqartalerluni. Unioqqutitsinerup suussusaa sakkortussusaalu malillugit narrunarsangaanermut ajunngitsorsiassaq aaliangerneqarpoq 50.000 kruunimut.

Eqqartuussisoqarfiup eqqartuussutigisaa allanngorneqarpoq imatut, unnerluussaq qaammatini sisamani pinerluuteqarsimasunut inissiisarfimmiittussanngortinneqarpoq.

 

Suliap normua: K 031/21

Eqqartuussissutit nassuiaatillu