20 mai 2022
Nunatta Eqqartuussisuuneqarfia
Inatsimmik unioqqutitsilluni ikiaroornartunik eqqussineq - K 070/21
Angutit marluk eqqartuunneqarput utaqqisitamik ulluni 40-ni pineqaatissinneqarsimasunut inissiisarfimmiittussanngortinneqarlutik aanngaajaarniutit pillugit inatsimmik unioqqutitsisimasutut aammalu tillinniarneq.
Eqqartuussissut Nunatta Eqqartuussisuuneqarfianit oqaatigineqarpoq ulloq 15. marts 2021.
Unnerluutigineqartoq eqqartuussisoqarfimmit ilaatigut eqqartuunneqarpoq utaqqisitamik ulluni 40-ni pineqaatissinneqarsimasunut inissiisarfimmiittussanngortinneqarluni ukiumik ataatsimik misiligaaffilikkamik aamma ilassutitut akiligassinneqarluni 16.200 kr.-inik, angut alla unnerluutigineqartoq peqatigalugu hashimik 126 gram ataannagu tuniniaasimanermut, aamma 36 gram hashimik tuniniaqqitassamik tigumiarsimanermut. Unnerluutigineqartoq aamma eqqartuunneqarpoq nerisassanik annikitsunik tillinniarsimanermut.
Taamaallaat unnerluutigineqartup eqqartuussisoqarfimmit aalajangiiffigeneqarnera Kalaallit Nunaanniit anisitaanissaa pillugu ukiunilu tallimani iseqqeqqusaajunnaarnissaa pillugu aalajangigaq nunatta eqqartuussisuuneqarfianut aalajangeqqitassanngortinneqarpoq.
Nunatta eqqartuussisuuneqarfiata eqqartuussisoqarfiup aalajangiinera anisitaanissamut aamma tunngavilersuutigineqartut isumaqatigivai. Taamaattumik nunatta eqqartuussisuuneqarfiata eqqartuussisoqarfiup eqqartuussutaa atuuttussanngorpaa.
Eqqartuussisarnermi periuseq malillugu suliani aanngaajaarniutinik tuniniaanermi, unnerluutigineqartoq nunatta eqqartuussisuuneqarfianut suliami aningaasartuutinik akiliissaaq.
Suliap normua: K 070/21