Gå til sidens indhold

Nunatta Eqqartuussisuuneqarfia

21 jan 2022

Nunatta Eqqartuussisuuneqarfia

Inunnik Isumaginnittoqarfimmiit nakkutigisassanngortinneqarpoq - K 011/21

17-nik ukiulik pisuutinneqarpoq illumut qanittumut inissisimaffimmiit aallaammik piniummik kaliber 30-06-mik, illup tungaanut aallaat saatsillugu pingasunik ikinnerunngitsunik seqqortaarsimagami, taamaalilluni unnerluutigneqartup inuit pineqartut inuunerannik ulorianartorsiortilerlugit.

Eqqartuussissut Nunatta Eqqartuussisuuneqarfianit oqaatigineqarpoq ulloq 11. marts 2021.

Ataatsimut pinerluutigineqartup isikkuanik annertussusianillu aamma unnerluutigineqartup inuttut atugarisaanik nalilersuereernermi, eqqartuussisuuneqarfik isumaqarpoq immikkut illuinnartunik pissutsinik atuuttoqanngitsoq unnerluutigineqartup 18-it iniorlugit ukiullip pinerluttulerinermi inatsimmi § 144 imm. 2 malillugu pineqaatissinneqarsimasunut inissiisarfimmiittussanngortinneqarnissaanik eqqartuussuteqarsinnaanermut.

Nunatta Eqqartuussisuuneqarfiata isumaqatigivaa, pineqaatissiineq pinerluttulerinermi inatsimmi § 152 malillugu aalajangersaaneq inunnik isumaginnittoqarfimmit nakkutigisaanissaq ukiunik marlunnik sivisunerpaaffiligaq piumasaqaatitalersugarlu eqqartuussisoqarfimmit.

Nunatta Eqqartuussisuuneqarfianit isiginiarneqarpoq pineqaatissiinermi pinerluttulerinermi inatsimmi § 152 malillugu, unnerluutigineqartup inuttut atugarisai aamma isumaginnittoqarnikkut atukkat pillugit paasissutissat malillugit isumaqarfigineqarmat naleqqunnerpaajusoq inatsisinik unioqqutitseqqinnisap pinaveersaartinneqarnissaanut  pinerluutigineqarsimasumullu assortuutinngimmat.

Nunatta Eqqartuussisuuneqarfiata eqqartuussisoqarfiup eqqartuussutaa atuuttussanngortippaa.

 

Suliap normua: K 011/21

Eqqartuussissutit nassuiaatillu