21 jan 2022
Nunatta Eqqartuussisuuneqarfia
Ulluni 30-ni Pineqaatissinneqarsimasunut Inissiisarfianni - K 045/21
Angut 31-nik ukiulik ulluni 30-ni Pineqaatissinneqarsimasunut Inissiisarfianniittussanngortinneqarpoq aapparisani minnerpaamik quleriarlugu niaquatigut aamma timaatigut tilluarsimagamiuk.
Eqqartuussissut Nunatta Eqqartuussisuuneqarfianit oqaatigineqarpoq ulloq 10. marts 2021.
Unnerluutigineqartoq eqqartuussisoqarfimmit pisuutinneqarpoq unioqqutitsinermut pinerluttulerinermi inatsimmi § 88, arnaq pineqartoq minnerpaamik quleriarlugu niaquatigut aamma timaatigut tilluarsimagamiuk allatigullu annikinnerusumik ajoqusissutigisaanik.
Nakuusernerup pissusia, annertussusia aamma ajoqusernerit nakuusernerup kingunerisaanik tunngavissarsissutaanngillat eqqartuussisoqarfiup sivissussulineraniit pineqaatissiissutip sakkukinnerulernissaanik sivisussusiiliinissamik.
Taamaattumik eqqartuussisoqarfiup eqqartuussutaa nunatta eqqartuussisuuneqarfianit atuuttussanngortinneqarpoq.
Nunatta eqqartuussisuuneqarfianit oqaatigineqarpoq piffissaq suliap suliarineqarneranut atorneqarsimasoq sivisussusiliinermut atatillugu tunngavigineqarsinnaanngitsoq.
Eqqartuussisoqarfiup eqqartuussutaa atuuttussanngortinneqarpoq.
Suliap normua: K 045/21