Ikiaroornartumik tuniniaaneq - K 086/21

Eqqartuussissut Nunatta Eqqartuussisuuneqarfianit oqaatigineqarpoq ulloq 28. maj 2021. 

Eqqartuussisoqarfiup tunngavilersuutitut oqaatigisai aamma suliap suliareqqitassanngortinnerata ingerlasimaneranut atatillugu nunatta eqqartuussisuuneqarfiata pineqaatissiissummik sivisussusiliilluni aalajangersagaq qaammatini pingasuni unnerluutigineqartoq arnamut tunngatillugu nunatta eqqartuussisuuneqarfiata isumaqatigivaa tak. pinerluttulerinermi inatsimmi § 111, jf. § 146 aamma unnerluutigineqartoq angummut tunngatillugu qaammatit arfinillit tak. pinerluttulerinermi inatsimmi § 111 aanngaajaarniutit pillugit inatsimmi § 3, tak. § 1, tak. aanngaajaarniutit pillugit nalunaarummi § 27, imm. 1, tak. § 2, tak. ilanngussaq 1, liste A, nr. 1, tak. pinerluttulerinermi inatsimmi § 146.

Inatsisinik unioqqutitsinerup peqqarniissusia ataatsimut nalilersuiffigeerullugu – pingaartumillu suliami pineqartut aningaasarpassuit – nunatta eqqartuussisuuneqarfia isumaqarpoq naak unnerluutigineqartut inuttut atugarisaat pitsaasuugaluartut aamma suliap suliareqqitassanngornerata ingerlasimanera, tunngavissaqanngitsoq pineqaatissiissutit utaqqisitanngortinneqarnissaannut.

Taamaattumik nunatta eqqartuussisuuneqarfianit eqqartuussisoqarfiup pineqaatissiissutaa atuuttussanngortinneqarpoq.

Suliap suliareqqitassanngortitap inernerata kingunerisaanik nunatta eqqartuussisuuneqarfianut suliami aningaasartuutit naalagaaffiup karsianit akilerneqassapput.

Suliap normua: K 086/21

Eqqartuussissutit nassuiaatillu