20 mai 2022
Nunatta Eqqartuussisuuneqarfia
18-nik ukiulik mianersoqqussummik nalunaarfigineqarpoq - K 102/21
Taamani 17-nik ukiulik Eqqartuussisoqarfik Sermersuumit unnerluunneqarpoq arnamik atisaata qaavatigut utsuisa nalaatigut attuaalaaramiuk, taamaalilluni kannguttaatsuliorluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 21. maj 2021.
Suliami pigineqartut tunngavigalugit aallaavittut pineqaatissiissut aalajangersarneqartussaavoq, taamanikkut eqqartuussisoqarfiup unnerluutigineqartoq eqqartuussuteqarfigimmagu taanna 18-it inorlugit ikioqarmat inunnik isumaginnittoqarfimmit nakkutigisassanngortinneqarnermik pinerluttulerinermi inatsimmi § 152 naapertorlugu. Taamaattorli taamaallaat inunnik isumaginnittoqarfiup nakkutilliinissamik annertussusiligaanik taamaaliortoqarsinnaalluni.
Kommuneqarfik Sermersuup aallartitaata nassuiaaneratigut eqqartuussisoqarfiup eqqartuussisut suliaanni allassimaffimmi allassimasaat naapertorlugit, nunatta eqqartuussisuuneqarfiata imatut paasivaa, kommunip – naak aperineqarsimagaluarluni – apeqqutigineqartoq isummerfigisimanngikkaa, kommunip nakkutiginninnermik tigusisinnaanera pillugu. Suliallu suliareqqitassanngortinnerani paasissutissat naapertorlugit qanoq iliuuseqartoqarsimanngilaq nutaamik oqaaseqaammik nakkutilliinissaq pillugu piniartoqarsimaneranik. Taamaattumik unnerluutigineqartup inunnik isumaginnittoqarfimmit nakkutigisaanissanik eqqartuunneqarsinnaanera tunngavissaqanngilaq, pissutsit unnerluutigineqartup pisuussutiginngisai pissutigalugit.
Taamaattumik suliami paasissutissat naapertorlugit tunngavigineqarsinnaanngimmat, pissutsinik immikkut ittoqarnera, eqqartuussutip utaqqisitamik pineqaatissiissutip pineqaatissinneqarsimasunut inissiisarfimmiittussangortitsinissamik piumasaqaataasoq pigineqanngimmat, unnerluutigineqartoq mianersoqqussummik nalunaarfigineqarpoq, tak. pinerluttulerinermi inatsimmi § 125.
Nunatta eqqartuussisuuneqarfiata isumaqatigivaa eqqartuussisoqarfiup mitagaanermut ajunngitsorsiassanik aalajangiinera.
Nunatta eqqartuussisuuneqarfianit eqqartuussisoqarfiup eqqartuussutaa allanngortinneqarpoq imaalillugu, unnerluutigineqartoq mianersoqqussummik nalunaarfigineqarluni.
Eqqartuussisoqarfiup mitagaanermi ajunngitsorsiassat pillugit aalajangigaa atuutussanngortinneqarpoq.
Suliap normua: K 102/21
Eqqartussissutit nassuiaatillu