Pinngitsaaliilluni atoqatiginneriarneq - K 064/21

Eqqartuussissut Nunatta Eqqartuussisuuneqarfianit oqaatigineqarpoq ulloq 4. maj 2021. 

Uppernarsaaseereernermi, tassunga ilanngullugu arnap pineqartup nassuiaanera, eqqartuussisuuneqarfiup uppernarsivaa unnerluutigineqartup unioqqutissimagaa pinerluttulerinermi inatsimmi § 84, imm. 1, kannguttaatsuliorfiginninneq, arnap pineqartup uppatai tamataarussimagamigit. Arnaq pineqartoq nassuiaavoq itersimalluni unnerluutigineqartup qarlini truusinilu kivilerai marluullutik ilisimannittup inaani sofami innangallutik. Arnaq pineqartoq aamma nassuiaavoq unnerluutigineqartup qarlini kivilersimagai, iliuutsinilu unitsissimallugu nammineq iterami. Pissutsinit allaaserineqartunit nunatta eqqartuussisuuneqarfiata tunngavigivaa, unnerluutigineqartoq siunertaqarsimasoq kinguaassiutitigut tunngasumik iliuuseqarnissamut arnaq pineqartoq kivileramiuk, kisianni eqqartuussisuuneqarfik isumaqarluni pisarialimmik qulakkeerlugu uppernarsineqanngitsoq siunertarisimaneraa atoqatiginissaa imaluunniit allatut kinguaassiutitigut atoqatiginninniarsimanersoq. Taamaalilluni pisimasoq pinerluttulerinermi inatsimmi § 84, imm. 1-inngortinneqarpoq, kannguttaatsuliorfiginninnermut tunngasoq.

Kannguttaatsuliorfiginninnerup isikkua, unnerluutigineqartup pisuutitaaffigisaa, aamma isiginiarneqarluni siusinnerusukkut assingusumik pinerluuteqarnermut eqqartuunneqartareersimanera tunngavigalugu, nunatta eqqartuussisuuneqarfiata pineqaatissiissut aalajangersarpaa ulluni 60-ni pineqaatissinneqarsimasunut inissiisarfimmiittussanngortinneqarnermik.

Kannguttaatsuliorfiginninnerup isikkua pissutigalugu arnaq pineqartoq pisassaqartinneqalerpoq mitagaanermut ajunngitsorsiassanik 10.000 kr.-iusunik.

Unnerluutigineqartoq eqqartuunneqarpoq ulluni 60-ni pineqaatissinneqarsimasunut inissiisarfimmiittussanngortinneqarluni.

Unnerluutigineqartoq mitagaanermut ajunngitsorsiassat akilissavai 10.000 kr. arnamut pineqartumut.

Suliap normua: K 064/21

Eqqartuussissutit nassuiaatillu