27 maj 2021
Nunatta Eqqartuussisuuneqarfia
Pisimasuni 6-linni unioqqutitsineq - K 087/21
Angut 27-nik ukiulik eqqartuunneqarpoq qaammatini qulingiluani pineqaatissinneqarsimasunut inissiisarfimmiittussanngortinneqarluni, ilaatigut allat peqatigalugit angut saassukkamikku, ikiaroornartulerineq, nakorsaatit, aserorterineq aammalu angerlarsmaffimmik eqqissiviilliortitsineq.
Eqqartuussissut Nunatta Eqqartuussisuuneqarfianit oqaatigineqarpoq ulloq 7. maj 2021.
Nunatta eqqartuussisuuneqarfia isumaqataavoq eqqartuussisoqarfiup pineqaatissiissummi sivisussusiliineranut. Pingaartumillu nunatta eqqartuussisuuneqarfianit pingaartinneqarpoq, unnerluutigineqartoq suliami matumani pisimasuni pingasuni peqqarniitsumik nakuusernermut eqqartuunneqarmat, aamma siusinnerusukkut pineqaatissinneqarnikuulluni ilaatigut nakuusernermut.
Taamaalilluni eqqartuussisoqarfimmit tunngavigineqartutut oqaatigineqartut tunngavigalugit, eqqartuussisoqarfiup eqqartuussutaa tamakkiisumik atuuttussanngortinneqarpoq, tassunga ilanngullugit arsaarinnissutit aamma taarsiissutissat.
Suliap normua: K 087/21