Nakuuserneq - K 057/21

Eqqartuussissut Nunatta Eqqartuussisuuneqarfianit oqaatigineqarpoq ulloq 5. maj 2021. 

Unnerluutigineqartoq eqqartuussisoqarfimmit eqqartuunneqarpoq ulloq 17. juli 2020 angummik allamik toqqusassiinermut aamma kiinaatigut arlaleriarlugu annersaanermut, tilluusalersillugu aamma pullanneqalersillugu alleruisigut, ersaatigut aamma sigguisigut, alleqquni pukutsinilu aalatissinnaaneri annikillisillugit. Pisuunermik apeqqut nunatta eqqartuussisuuneqarfianut suliareqqitassanngortinneqanngilaq.

Nunatta eqqartuussisuuneqarfiata eqqartuussisoqarfik isumaqatigivaa qungasersineq peqqarniitsumik nakuusernerummat, aallaavittullu pineqaatissinneqarsimasunut inissiisarfimmiittussanngortinneqarnermik kinguneqartinneqariaqartoq. Taamatullu aamma sakkortusaataavoq angut pineqartoq annertuumik kiinnamigut ajoqusersimanera.

Isiginiarneqarluni unnerluutigineqartoq politiinik suleqateqarsimanera suliap paasiniaaffigineqarnerani, nammineerlunilu inuttut atukkaminik pitsaanerulersitsiniarluni iliuuseqarsimalluni ilaatigut atuipilunnermut katsorsagaalluni aamma tarnip pissusaannik ilisimasalimmik katsorsagaalluni, taamaalilluni maannakkut inuttut pitsaasunik atugaqalersimalluni, nunatta eqqartuussisuuneqarfia aalajangerpoq suliami matumani pineqaatissiissutip nalinginnaasumik malinneqartussaq avaqqunniarlugu, pineqaatissiissullu aalajangersarneqarpoq utaqqisitamik ulluni 60-ni pineqaatissinneqarsimasunut inissiisarfimmiittussanngortinnermik ukiunik marlunnik misiligaaffilikkamik, tak. pinerluttulerinermi inatsimmi § 88, uniffik siulleq, tak. § 129.

Unnerluutigineqartoq eqqartuunneqarpoq utaqqisitamik ulluni 60-ni pineqaatissinneqarsimasunut inissiisarfimmiittussanngortinneqarluni. Pineqaatissiissutip naammassineqarnissaa kinguartinneqarpoq atorunnaassallunilu ukiut marluk misiligaaffioreerpata, pineqartoq nutaamik pinerluuteqaqqinngippat.

Suliap normua: K 057/21

Eqqartuussissutit nassuiaatillu