Aserorterineq - K 143/21

Eqqartuussissut Nunatta Eqqartuussisuuneqarfianit oqaatigineqarpoq ulloq 6. juli 2021.

Eqqartuussisuunerit eqqartuussisoqarfik isumaqatigaat, ilisimannittup nassuiaanera malillugu uppernarsineqartutut isigineqartariaqartoq, unnerluutigineqartup piaaraluni ilisimannittup cykilii aserorteriffigisimagai, cykelit isimmittarlugillu tukkarnerisigut. Eqqartuussisuunerit aamma uppermarsineqartutut isigaat, cykeli unnerluussummi allassimasutulli naleqartiginngitsoq, aserorterinerlu piffissami piffimmilu unnerluussummi paasissutissiissutigineqartuni pisimasoq.

Unnerluutigineqartoq nassuiaavoq, kingorna cykelit allat atornikut ilai atorlugit suliarineqarsimasut. Uppernarsaasiinerup kingorna eqqartuussisuunerit unnerluutigineqartup nassuiaataanik qaangiinnaanissamut tunngavissaqanngitsoq, tamatumalu kingorna uppernarsisinneqanngilaq, cykeli atorsinnaajunnaavittoq. Taamaatumik unnerluutigineqartoq unnerluussutip ilaanut tassunga pinngitsuutinneqarpoq.

Eqqartuussisoqarfiup akiligassaq aalajangigaa eqqartuussisarnermi periutsimut naapertuuppoq, aamma unnerluutigineqartup ukiukinnera eqqarsaatigineqarpoq. Tamatuma kingorna aamma pissutsit naliginnaasumik periutsip malinnginnissaanut tunngaviusinnaasut pillugit paasissutissiisoqanngimmat, eqqartuussisoqarfiup pineqaatissiissut pillugu eqqartuussutaa atuuttussanngortinneqarpoq.

Taarsiissuteqarnissamik piumasaqaat saqitsaannermi suliakkiutigineqartussatut innersuussutigineqarpoq, ilisimannittup annaasai naammaginartumik paasissutissiissutigineqanngimmata.

Suliap normua: K 143/21

Eqqartuussissutit nassuiaatillu