14 mar 2022
Nunatta Eqqartuussisuuneqarfia
Qunusaarilluni ujajaaneq - K 132/21
Eqqartuussisoqarfiup eqqartuussutaa atuuttussanngortinneqarpoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 25. august 2021.
Uppernarsaasiisoqareerneratigut tassunga ilanngullugit ilisimannittup nassuiaatai aamma Angos Butik Paamiuniittup assilineqarneri, uppernarsineqarpoq ulloq 3. september 2017 pisiniarfimmi ujajaasoqarsimasoq unnerluussissummi oqaatigineqartutut. Taava apeqqutaalerpoq uppernarsineqarnersoq unnerluutigineqartoq ujajaasuusimanersoq.
Nunatta eqqartuussisuuneqarfia tunngavissarsimanngilaq dna-mik misissugassanit nalunaarusiat tunuartinnissaannut. Kisianni imaannerata, tassa unnerluutigineqartup dna-vata nassaarineqarnera pingaartumik natsami, taanna ujajaanermi atorneqarsimasoq, ima annertutigisumik ilimanaateqarnera, retsgenetiskemik nalunaarusiami oqaatigineqartutut, taanna namminermini uppernarsiissutaanngilaq unnerluussut malillugu unnerluutigineqartup pisuuneranik. Tassunga atatillugu oqaatigineqassaaq ujajaaneq sioqqullugu unnerluutigineqartoq fiistertuni najuussimammat, tassaniissimavoq taanna nasaq, aamma allanik arlalinnik najuuttoqarsimalluni. Unnerluutigineqartup dna-va kasseapparatimit misissugassamik dna-mik tigusami nassaarineqarsimanngilaq. Taamaattumik aamma eqqartuussisoqarfiup tunngavilersuineratigut aamma aalajangersaaneratut unnerluutigineqartoq pinngitsuutinneqarpoq.
Suliap normua: K 132/21