Kannguttaatsuliorneq - K 173/21

Eqqartuussissut Nunatta Eqqartuussisuuneqarfianit oqaatigineqarpoq ulloq 9. september 2021.

Pineqaatissiissummik aalajangersaanermi nunatta eqqartuussisuuneqarfiata annertuumik sakkortusaatitut isumaqarfigivaa kannguttaatsuliorfiginninnerit annertussusiat aamma unnerluutigineqartup Siumumi pisortatut inissisimanera. Tassungalu atatillugu nunatta eqqartuussisuuneqarfiata uppernarsisimavaa unnerluutigineqartup inissisimanini atornerlussimagaa partiimi sulisunut aamma nammineq piumassusertik tunngavigalugu sulisunit, pinerlineqartullu arnat annilaangasimasut nalunaarutiginnikkaluarunik kinguneqartitsisoqarnissaanik.

Sakkukillisaataasinnaasutut nunatta eqqartuussisuuneqarfiata isumaqarfigivaa arnamut pineqartumut kannguttaatsuliorfiginnerit 2015-imili pisimammata.

Unnerluutigineqartoq siusinnerusukkut pineqaatissinneqarnikuunngilaq, aammalu inuttut atugarissaarluinnaartuunera suliap matuma inissiinissaq utaqqisitanngortitsissutigissanngilaa.

Taamaalillugu pinerluutip iliuuserineqarsimasup isikkua isiginiarlugu ulluni 40-ni pineqaatissinneqarsimasunut inissiisarfimmiittussanngortitsinermik pineqaatissiineq aalajangersarneqarpoq.

Eqqartuussisarnermi inatsimmi § 480, imm. 1, naapertorlugu suliami aningaasartuutit naalagaaffiup karsianit akilerneqassapput.

Eqqartuussisoqarfiup eqqartuussutaa imatut allanngortinneqarpoq, unnerluutigineqartup pisimasoq 2-mi pinngitsuutinneqarpoq, aammali pisimasoq 3-mi ilaannakortumik pinngitsuutinneqarluni.

Eqqartuussisoqarfiup eqqartuussutaani pisuunermik apeqqummut atatillugu sinnerini atuuttussanngortitsisoqarpoq.

Suliap normua: K 069/21

Eqqartuussissutit nassuiaatillu