Akunneri 50-t inuiaqatigiinni sulisitaasussanngortinneqarluni - K 156/21

Eqqartuussissut Nunatta Eqqartuussisuuneqarfianit oqaatigineqarpoq ulloq 14. september 2021.

Arnap pineqartup nassuiaateqareerneratigut nunatta eqqartuussisuuneqarfiata uppernarsivaa, unnerluutigineqartoq pisuusoq siorasaarinermut unnerluussisummi allaaserineqartutut. Taamatullu aamma nunatta eqqartuussisuuneqarfiata eqqartuussisoqarfik isumaqatigivaa, arnap nassuiaaneratigut uppernarsineqarmat, unnerluutigineqartup pisuunera nakuusernermut eqqartuussisoqarfiup eqqartuussutimi oqaatigisaatut annertutigisumik.

Pineqaatissiissut aalalajangersarneqarpoq nalunaaquttap akunneri 50-t inuiaqatgiinni sulisitaanermik, naammassineqartussamik sivisunerpaaffiliussap qaammatit arfinillit iluanni, tak. Pinerluttulerinermi inatsimmi §§ 88, uniffik siulleq aamma 98, tak. § 141, imm. 1. Taamatuttaaq unnerluutigineqartoq Pinerluttunik Isumaginnittoqarfimmit nakkutigisassanngortinneqarluni ukiumi ataatsimi, tak. Pinerluttulerinermi inatsimmi § 141, imm. 2.

Pineqaatissiissummik aalajangersaanermi nunatta eqqartuussisuuneqarfianit pingaartinneqarpoq pingaartumik pisimasup peqqarniissusia, tassunga ilanngullugit inuunermik siorasaarinerit. Nunatta eqqartuussisuuneqarfianit pingaartinneqarpoq sakkortusaatitut isumaqarfigineqarfigineqarluni nakuuserneq pisimammat meeqqat najuunneranni. 

Aamma nunatta eqqartuussisuuneqarfianit isiginiarneqarsimavoq pisimasut piliarineqarneraniit ukiut marluk qaangiussimammata, piffissarlu suliap suliarineqarneranut atorneqarsimasoq unnerluutigineqartup pisuussutiginngimmagu.

Unnerluutigineqartoq eqqartuunneqarpoq nalunaaquttap akunneri 50-t inuiaqatigiinni sulisitaasussanngortinneqarluni, tamannalu naammassineqassaaq sivisunerpaaffiliussap qaammatit arfilinnit iluanni. Unnerluutigineqartoq Pinerluttunik Isumaginnittoqarfimmit nakkutigineqassaaq ukioq ataaseq.

Suliap normua: K 156/21

Eqqartuussissutit nassuiaatillu