Nalunaaquttap akunnerini 80-ini inuiaqatigiinni sulisitaanermik - K 158/22

Eqqartuussissut Nunatta Eqqartuussisuuneqarfianit oqaatigineqarpoq ulloq 4. november 2022.

Nunatta eqqartuussisuuneqarfianit sakkortusaatitut isigalugu pingaartinneqarpoq, marloriarluni inooqatigisamut nakuusersimaneq 2017-mi inooqatigisaa naartusoq, aamma 2020-mi takuneqarsinnaasunik ajoqusersimanera peqqarniitsumik inatsisinik unioqqutitsinertut isumaqarfigineqarmata, taamaattullu aallaavittut utaqqisitaanngitsumik inississarfimmiittussanngortitsissutaasarmata.  Unnerluutigineqartup nunatta eqqartuussisuuneqarfianut 2020-mi nakuusernermik pisimasumut atatillugu qanoq aallartikkiartugaarsimaneranut atatillugu annerusumik pingaartinneqanngilaq.

Nunatta eqqartuussisinneqarfianit sakkukillisaataasutut pingaartinneqarpoq, pisimasut annersai piliarineqarsimammata 2016-mi aamma 2017-mi, aammalu unnerluutigineqartup pinerlineqartoq suli inooqatigimmagu, taannalu meeraqarfigalugu, aalajangersimasumik suliffeqarpoq, qanittukkullu kommunimit ikiorneqarnermigut atuipilunnermut katsorsagaasimalluni.

Tamanna tunngavigalugu nunatta eqqartuussisuuneqarfiata isumannaatsutut isumaqarifigivaa unnerluutigineqartoq pineqaatissinneqarsinnaasoq inuiaqatigiinni nalunaaquttap akunneri 80-it sulisitaanermik, tamannalu naammassineqassaaq sivisunerpaaffiliussap qaammatit arfineq pingasut iluanni ukiorlu ataaseq nakkutigineqassalluni.

Tamatuma saniatigut siunertarisamut naleqquttutut isumaqarfigineqarpoq unnerluutigineqartoq nakkusatigisaanerup iluani pinerluuteqarsimasunik isumaginnittoqarfiup maleruaqqusai naapertorlugit imigassamut aalakoornartulimmut, aanngaajaarniutinut assigaasaanullu atuipilunnermut katsorsagaatinneqassasoq, tak. pinerluttulerinermik inatsimmi § 141 imm. 2, tak. § 135 imm 1.

Isiginiarneqarluni aanngaajaarniutit pillugit inatsimmi unioqqutitsinerup nutaanngissusia maannakkuugallartoq tunngavissaqartinneqanngilaq ilassutitut akiligassiinissaq.

Unnerluutigineqartoq eqqartuunneqarpoq aningaasarsiaqartinneqarani nalunaaquttap akunnerini 80-ini inuiaqatigiinni sulisitaanermik, tamannalu naammassineqassaaq sivisunerpaaffiliussap qaammatit arfineq pingasut iluanni.

Unnerluutigineqartoq pinerluttunik isumaginnittoqarfimmit nakkutigisassanngortinneqarpoq ukiumi ataatsimi aamma nakkutigisaanerup ingerlanerani pinerluttunik isumaginnittoqarfiup maleruaqqusaanut imigassamik aalakoornartulimmik, aanngaajaarniutinik assigisaanilluunniit atuipilunnermut katsorsagaanissamut malinnissaaq.

Suliap normua: K 158/22

Eqqartuussissutit nassuiaatillu