24 nov 2022
Nunatta Eqqartuussisuuneqarfia
Qaammatini 4-ni pineq. inissiisarfimmiittussanngortinneqarluni - K 028/22
Angut 28-nik ukiulik eqqartuunneqarpoq ukiumi ataatsimi pineqaatissinneqarsimasunut inissiisarfimmiittussanngortinneqarpoq, kiisalu akilissavai arnap mitagaanerani ajunngitsorsiassat 100.000 kr.-it. Arnap illuanut peqquneqarani iseriarluni arnaq ineeqqaminiittoq pinngitsaalillugu atoqatigigamiuk.
Eqqartuussissut Nunatta Eqqartuussisuuneqarfianit oqaatigineqarpoq ulloq 24. november 2022.
Uppernarsaasiissutinik naliliineq
Pisimasut 1-2
Aamma nunatta eqqartuussisuuneqarfianut uppernarsaaseereernermi eqqartuussisoqarfiup tunngavilersuutitut oqaatigisaani, unnerluutigineqartoq unnerluutigineqaatini naapertorlugu pisuutinneqarpoq.
Pisimasoq 3
Uppernarsaasiisoqareerneratigut, tassunga ilanngullugit nassuiaatigineqartut, tassa ujaqqamik igalaaq aserorsimagaa, aqaguanilu tamanna pillugu utoqqatsisimalluni, unnerluutigineqaatini naapertorlugu pisuutinneqarpoq.
Pineqaatissiissut
Angerlarsimaffimmut iserternikkut imminut ikioriarsinnaanngitsumik pinngitsaaliineq aallaavittut pineqaatissiissutaasarpoq pineqaatissinneqarsimasunut inissiisarfimmiittussanngortinneqarnermik. Nunatta eqqartuussisuuneqarfia tunngavissarsisimanngilaq aallaaviusartup saneqqunnissaanik.
Innersuussutigineqarluni unnerluutigineqartup siusinnerusukkut pineqaatissinneqarsimannginnera aammalu inuttut atugaasa pitsaasuneri, naapertuuttuutinneqarpoq aalajangersaanissaq qaammatini sisamani pineqaatissinneqarsimasunut inissiisarfimmiittussanngortitsinissamik.
Mitagaanermi ajunngitsorsiassat
Eqqartuussinermi siulittaasup ajuungitsorsiassat aalajangersarpai eqqartuussisaasermi periuseq malillugu 50.000 kr.-inut.
Unnerluutigineqartoq eqqartuunneqarpoq qaammatini sisamani pineqaatissinneqarsimasunut inissiisarfimmiittussanngortinneqarluni.
Unnerluutigineqartup akilissavai 50.000 kr. arnap mitagaaneranut ajunngitsorsiassatut.
Suliap normua: K 028/22
Eqqartuussissutit nassuiaatillu