Gå til sidens indhold

Nunatta Eqqartuussisuuneqarfia

12 dec 2022

Nunatta Eqqartuussisuuneqarfia

Ulluni 14-ni pineq. inissiisarfimmiittussanngortinneqarluni - K 222/22

Angut 51-nik ukiulik nalunaarfigineqarpoq mianersoqqussuteqarfiginermik kiisalu ullut 14-it qaangiutsinnagit mitagaanermut ajunngitsorsiassat niviarsiaqqamut akilissagai, angutimmi niviarsiaraq sinittuusaartoq atisaata qaavisigut nuluatigut aamma iviangiasigut atoramiuk.

Eqqartuussissut Nunatta Eqqartuussisuuneqarfianit oqaatigineqarpoq ulloq 12. december 2022.

Unnerluutigineqartoq eqqartuussisoqarfimmit eqqartuunneqarpoq pisimasumi ataatsimi kannguttaatsuliorfiginninnermut panimmi ikinngutaanut angerlarsimaffimminni tukkusumut.

Taamaatut inatsimmik unioqqutitsineq aalaavittut utaqqisitamik eqqartuussuteqartigineqartarpoq. Nunatta eqqartuussisuuneqarfia isumaqanngilaq immikkut ittunik pissutsinik aallaaviusartup saneqqussinnaaneranut pissutaasinnaasumik.

Kannguttaatsuliorfiginninnerup pissusia, aamma unnerluutigineqartoq siusinnerusukkut pineqaatissinneqarnikuunngimmat aammalu inuttut atugarisai pitsaasuummata, eqqartuussisuuneqarfik isumaqarpoq naapertuuttoq pineqaatissiissut aalajangersassallugu ullunik 14-nik sivisussusilikkamik, tak. Pinerluttulerinermik inatsimmi § 84 imm. 1, tak. § 129 imm. 1 aamma 2. 

Eqqartuussisut siulittaasuata aalajangiineratigut mitagaaneranut ajunngitsorsiassaq qaffanneqarpoq 5.000 kr.-inut, tamanna eqqartuussisarnermi periusiummat.

Unnerluutigineqartoq eqqartuunneqarpoq ulluni 14-ni pineqaatissinneqarsimasunut inissiisarfimmiittussanngortinneqarluni. Pineqaatissiissutip naammassineqarnissaa kinguartinneqarpoq atorunnaassallunilu ukioq ataaseq misiligaaffioreerpat.

Qeqqata Eqqartuussisoqarfiata mitagaanermut ajunngitsorsiassaq eqqartuussutigisaa qaffanneqarpoq 5.000 kr.-inut.

 

Suliap normua: K 222/22

Eqqartuussissutit nassuiaatillu