Kanngutsaatsuliorneq - K 278/21

Eqqartuussissut Nunatta Eqqartuussisuuneqarfianit oqaatigineqarpoq ulloq 14. februar 2022.

Unnerluutigineqartoq eqqartuussisoqarfimmit eqqartuunneqarpoq marloriarluni kannguttaatsuliorfiginnissimasutut, piliarisimallugit ulluni 20-ni aamma 26. oktober 2020-mi. Pisuni taakkunani unnerluutigineqartoq pisuutinneqarpoq Aasianni tamanit aqqutigineqarsinnaasumi imminut nittarsaasimasutut usunilu tissassarsimallugu inuit saneqquagaanni. Pisimasuni taakkunani pisuunermut apeqqut nunatta eqqartuussisuuneqarfianut suliareqqitassanngortinneqarnikuunngilaq.

Nunatta eqqartuussisuuneqarfia eqqartuussisoqarfik assigalugu isumaqarput uppernarsineqartutut isigineqartariaqartoq, unnerluutigineqartoq unnerluutigineqaatimini pisimasuni 3 aamma 4-mi pisuusoq. Nunatta eqqartuussisuuneqarfiata pingaartumik pingaartippaa, ilisimannittutut apersorneqartut tamarmik aalajangersimallutik sukumiisumillu nassuiaatigimmassuk, unnerluutigineqartup siunerminni usuni nuiseqqasimagaa kannguttaatsuliorfiginninnissamik siunertaqarluni.

Pingaartumillu isiginiarneqarluni unnerluutigineqartoq susinnerusukkut pineqaatissinneqarnikuummat assingusumik pinerluuteqarnermut aamma pisimasut sisamat pineqarmata, nunatta eqqartuussisuuneqarfia isumaqarpoq eqqartuussisoqarfiup sivisussusilinera pineqaatissiissummik naapertuuttuusoq.

Eqqartuussisoqarfiup mitagaanermut ajunngitsorsiassanut aalajangiinera atuuttussanngortinneqarpoq eqqartuussisoqarfiup tunngavilersuutitut oqaatigisai tunngavigalugit.

Eqqartuussisoqarfiup eqqartuussutaa atuuttussanngortinneqarpoq.

Suliap normua: K 278/21

Eqqartuussissutit nassuiaatillu