28 febr 2022
Nunatta Eqqartuussisuuneqarfia
Pineqaatissiissut qaffanneqarpoq - K 013/22
Angut 51-nik ukiulik eqqartuunneqarpoq ukiumi ataatsimi aamma qaammatini pingasuni pineqaatissinneqarsimasunut inissiisarfimmiittussanngortitsinermik, taanna arnanik marlunnik kinguuaassiutitigut pinngitsaaliisimammat. Arnanut 100.000 kr.-inik ajunngitsorsiassanik akiliisussanngortinneqarluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 28. februar 2022.
Unnerluutigineqartoq eqqartuussisoqarfimmit pisuutinneqarpoq unioqqutitsinermut pinerluttulerinermi inatsimmi § 77, imm. 1, nr. 1 (pinngitsaaliineq) aamma § 77, stk. 1, nr. 2 (pinngitsaaliineq), kiisalu unioqqutitsinerit pingasut pinerluutulerinermi inatsimmi § 88 (nakuuserneq).
Suliami nunatta eqqartuussisuuneqarfiata suliaqarnerani pineqarput pineqaatissiissummik sivisussusiliineq aamma mitagaanermut ajunngitsorsiassanik aalajangersaaneq.
Pisimasoq 4-mut atatillugu eqqartuussisuuneqarfiup oqaatigissavaa, unnerluutigineqartoq pisuutinneqarmat pinerluttulerinermi inatsimmi § 77, imm. 1, nr. 1 malillugu. Suliap nunatta eqqartuussisuuneqarfianut oqaatigineqarnerani, tunngavigineqartariaqarpoq, unnerluutigineqartoq aamma arnaq pineqartoq siulleq imminut ima ilisarisimasareereersimammata, pisimasumi matumani pineqarluni pinngitsaaliineq ”ilisarisimariikkamik pinngitsaaliinertut” oqaatigineqartariaqartumik, aallaavittullu tamanna oqaatigineqartartumit ”saassussilluni pinngitsaaliineermit” annikinnerusumik pineqaatissiissutitaqartarluni. Taamaattumik ataatsimut sukumiisumik nalilersuereernermi unioqqutitsinerup pisoqaassusianik, pissusianik aamma annertussusianik, nunatta eqqartuussisuuneqarfiata pineqaatissiissut qaffappaa ukiumi ataatsimi aamma qaammatini arfinilinni pineqaatissinneqarsimasunut inissiisarfimmiittussanngortitsinermik.
Eqqartuussisut siulittaasuata aalajangiineratigut arnap mitagaaneranut ajunngitsorsiassat aalajangersarneqarput 50.000 kr.-inut. Eqqartuussisut siulittaasuata tamatumani pingaartippaa imminut illersoriarsinnaanngitsumik pinngitsaaliinermut atatillugu eqqartuussisarnermi periuseq, kiisalu aamma unnerluutigineqartup arnaq ungasissumik ilaqutarimmagu.
Mitagaanermut ajunngitsorsiassaq eqqartuussisoqarfiup aalajangersarsimasaa arnap aappaanut tunngatillugu atuuttussanngortinneqarpoq, suliani assingusuni nalinginnaasumik periuseq malinneqarmat.
Eqqartuussisoqarfiup eqqartuussutaa allanngortinneqarpoq, taamaalilluni pineqaatissiissut qaffanneqarpoq ukiumut ataatsimut aamma qaammatinut arfinilinnut.
Unnerluutigineqartup akilissavai 100.000 kr. arnap mitagaaneranut ajunngitsorsiassatut.
Unnerluutigineqartup akilissavai 50.000 kr. arnap aappaata mitagaaneranut ajunngitsorsiassatut.
Suliap normua: K 013/22
Eqqartuussissutit nassuiaatillu