07 mar 2022
Nunatta Eqqartuussisuuneqarfia
Eqqartuussisoqarfiup eqqartuussutaa atuuttussanngortinneqarpoq - K 002/22
Angut 39-nik ukiulik eqqartuunneqarpoq qaammatini 6-linni pineqaatissinneqarsimasunut inissiisarfimmiittussanngorlugu, arnaq aaliageriarlugu pinngitsaalillugu atoqatigigamiuk. Aamma angut alla uppisippaa niaquatigut marloriarlugu tukertarlugu aammalu timaatigut ataasiarlugu tukeramiuk.
Eqqartuussissut Nunatta Eqqartuussisuuneqarfianit oqaatigineqarpoq ulloq 7. Marts 2022.
Unnerluutigineqartoq eqqartuussisoqarfimmi pisuutinneqarpoq pinerluttulerinermi inatsimmi § 77, imm. 1, nr. 1 (pinngitsaaliineq), aamma pisimasuni marlunni unioqqutitsinernut pinerluttulerinermi inatsimmi § 88 (nakuuserneq).
Suliami nunatta eqqartuussisuuneqarfiani pineqarpoq pineqaatissiissutip sivisussusilerneqarneranut apeqqut.
Nunatta eeqartuussisuuneqarfiata eqqartuussisoqarfiup pineqaatissiissummi sivisussusiliinermi oqaatigineqartut isumaqatigivai, tassunga ilanngullugit pingaartumik pisimasut pissusii aamma peqqarniissusii tunngavigalugit tunngavissaqanngitsoq aallavittut pineqaatissinneqarsimasunut inissiisarfimmiittussanngortitsinerup saneqqunneqarsinnaanneranut. Taamaattorli nunatta eqqartuussisuuneqarfianit oqaatigineqassaaq, piffissap suliap suliarineqarneranut atorneqarsimasup ilaatigut unnerluutigineqartup pisuussutigimmagu, tassami kilisaammi sulinera pissutigalugu kinguartitsisoqartarsimammat, aappaatigullu saniatigut aamma unnerluutigineqartumit pisuussutigineqarani piffissaq suliap suliarneqarneranut atorneqarsimasoq, taamaattumik sakkukillisaataalluni. Taamaattumik, aamma unnerluussisussaatitaasut piumasaqaataat malillugu, eqqartuussisoqarfiup eqqartuussutaa atuuttussanngortinneqarpoq.
Eqqartuussissutit nassuiaatillu