Eqqartuussisoqarfiup eqqartuussutaa atuuttussanngortinneqarpoq - K 056/22

Eqqartuussissut Nunatta Eqqartuussisuuneqarfianit oqaatigineqarpoq ulloq 18. maj 2022.

Unnerluussisussaatitaasut piumasaqaataat assigalugu nunatta eqqartuussisuuneqarfia pinerluttulerunermi inatsimmi § 39 naapertorlugu pinngitsuutitsivoq.

Ilisimannittup nassuiaaneranit ersersinneqarpoq pineqaatissinneqarsimasunut inissiisarfimmi paarsisoq angallassitinnani erseqqinnerusumik ilitsersorneqartussaasoq ittuminiit eqqartuunneqartoq pillugu immikkut pisimasunut. Suliami matumani uppernarsineqanngilaq unnerluutigineqartup taamatut ilitsersorneqarsimanera. Ilisimannittoq aamma nassuiaavoq, quppersagaq angallassinissamut tunngasoq, tassunga ilanngullugit paasissutissat atugassat allat, suliarineqarsimasut pisimasup matuma kingunerisaanik tunniunneqartarlutillu, unnerluussissummi oqaatigineqartutut.

Naak paasissutissani pineqaatissinneqarsimasunut inissiisarfimmi paarsisunik ilinniartitsinermi pilersaarusiorneqarsimagaluartoq eqqartuussanik angallassinissamik ilinniartitaanissaq, nunatta eqqartuussisuuneqarfiata tamanna tunngavigalugu uppernarsinngilaa, unnerluutigineqartup pissusissamisoortumik ersarissumik ilitsersorneqarsimanera angallassinissaq sioqqullugu, kikkut saaffigissanerai piareersimaffiginngisamik pisoqassagaluarpat.

Unnerluutigineqartup nassuiaanera naapertorlugu tunngavigineqassaaq, siusinnerusukkut eqqartuussamik Danmarkimut angallassinikuunngimmat.

Suliami paasissutissat tunngavigalugit nunatta eqqartuussisuuneqarfia isumaqarpoq, unnerluutigineqartup ilisimasariaqaraluaraa, eqqartuussaq angallanneqarnermini tarrinneqassanngimmat – aamma perusuersartarfiliarnerani. Taamaattorli eqqartuussisuuneqarfik isumaqarpoq, pissutsit imaannerat, pisortat atorfeqartitaannit pissusissamisoortumik suliassamik suliaqarneq, immini isumaqanngimmat, pineqartoq tassaasoq peqqarniitsumik sumiginnaanerusoq, pisimasoq ilaatinneqartariaqalersillugu pinerluttulerinermik inatsimmi § 55, imm. 2-mut.

Isummerniarnermi pineqarnersoq, peqqarniitsumik sumiginnaaneq imaluunniit peqqissaartumik iliunnginneq, immikkut nunatta eqqartuussisuuneqarfianit pingaartinneqarpoq, atorfilittaq pissusissamisoortumik ilitsersorneqarsimanersoq suliassamik suliaqarnissamut. Aamma pingaartinneqarpoq, atugassarititaasut suut atorlugit suliassani suliarisimaneraa, aamma pineqartoq suliakkiutaasumut misilittagaqarnersoq.

Ataatsimut nalilersuereernermi suliami pissutsinik, nunatta eqqartuussisuuneqarfia isumaqanngilaq, unnerluutigineqartoq peqqarniitsumik sumiginnaasimasoq imaluunniit peqqissaanngitsumik sulisimasoq, aallaat pisimasoq pinerluttulerinermi inatsimmi § 55, imm. 2-mut ilaatinneqarluni, taamaattumik unnerluutigineqartoq pinngitsuutinneqarpoq.

Tamanna tunngavigalugu eqqartuussisoqarfiup eqqartuussutaa nunatta eqqartuussisuuneqarfianit atuuttussanngortinneqarpoq.

Suliap normua: K 056/22

Eqqartuussissutit nassuiaatillu