Pineqaatissiissut appartinneqarpoq - K 280/21

Eqqartuussissut Nunatta Eqqartuussisuuneqarfianit oqaatigineqarpoq ulloq 20. maj 2022.

Nunatta eqqartuussisuuneqarfiata aallarniutigalugu oqaatigivaa isornartoqartillugu videokkut apersuineq suliamut uppernarsaatini pissusissamisoortumik qallunaatuunngorlugu nutserneqarsimanngimmat, tassunga ilanngullugu apersuinermi oqalutsi atorneqartoq namminerisaminik meeqqamut apersorneqartumut apeqquteqartarmat, naak apersuinerup allatanngortinneqarnerani tamanna ersersinneqanngikkaluartoq.

Pingaarnertut isumaqatigiinniarnermi nutserneqarnerata amigarnera nunatta eqqartuussisuuneqarfiata oqaluttaanit iluarsiissuteqarfigineqarmat, aamma niviarsiaqqap pineqartup nassuiaanermi uppernassusia pissutsinik qulaani taaneqartunik sunnerneqanngimmat, eqqartuussisuuneqarfik isumaqarpoq niviarsiaqqap nassuiaataa tunngavigineqarsinnaasoq. Taamaalilluni nunatta eqqartuussisuuneqarfiata eqqartuussisoqarfiup tunngavilersuutitut oqaatigisai isumaqatigivai, unnerluutigineqartoq pisimasoq 1-mi pisuusoq. Tamatumunnga oqaatigineqassaaq, attuuannissimanerup pissusia pinerluttulerinermi inatsimmi 84-mut ilaatinneqarmat, aamma unnerluutigineqartup nassuiaanera illup iluani ineeqqat paarlaassimallugit, isumaqarsimallunilu aappani ujarsimallugu, uppernanngitsutut tunuartinneqarpoq.

Eqqartuussisoqarfiup tunngavilersuutaa nunatta eqqartuussisuuneqarfiata isumaqatigivaa, unnerluutigineqartorlu pisimasoq 2-mi pisuutinneqarluni.

Nunatta eqqartuussisuuneqarfia isumaqarpoq pineqaatissiissut naapertuuttumik aalajangersarneqarsinnaasoq ulluni 30-ni pineqaatissinneqarsimasunut inissiisarfimmiittussanngortinneqarnermik aamma eqqartuussisoqarfiup tunngavilersuutaa isumaqatigineqarpoq, tassa pineqaatissiissutip utaqqisitanngortinneqarnissaanut tunngavissaqanngitsoq. Eqqartuussisuuneqarfiup oqaatigivaa piffissaq suliap suliarineqarneranut atorneqarsimasoq tamatumunnga allannguutaanngimmat.

Nunatta eqqartuussisuuneqarfia isumaqatigivaa mitagaanermi ajunngitsorsiassap annertussusilerneqarnera, tak. taarsiissuteqarnissamik akisussaassuseqarnermik inatsimmi § 26.

Taamaalilluni nunatta eqqartuussisuuneqarfiata oqaatigineqartutut allannguuserlugu eqqartuussisoqarfiup eqqartuussutaa atuuttussanngortippaa. 

Eqqartuussisoqarfiup eqqartuussutaa allanngortinneqarpoq imaalillugu, pineqaatissiissut appartinneqarpoq ulluni 30-ni pineqaatissinneqarsimasunut inissiisarfimmiittussanngortinneqarnermik.

Unnerluutigineqartup sapaatit akunneri sisamat qaangiutsinnagit niviarsiaqqamut akilissavai 5.000 kr.-it.

Suliap normua: K 280/21

Eqqartuussissutit nassuiaatillu