Gå til sidens indhold

Nunatta Eqqartuussisuuneqarfia

19 mai 2022

Nunatta Eqqartuussisuuneqarfia

Eqqartuussiviup eqqartuussissutaa allanngortinneqarpoq - K 066/22

Arnaq 26-nik ukiulik Sermersuup eqqartuussivianit pinngitsuutinneqarpoq, taanna ilisimannittumik isaatigut toorsisimammat aammalu ilisimannittup allap arnaq biilip iluani qitequsernialerlugu arnap niaqua peersimasoq ilisimannittorlu assaatigut kiillugu.

Eqqartuussissut Nunatta Eqqartuussisuuneqarfianit oqaatigineqarpoq ulloq 19. maj 2022.

Pisimasoq 1

Ilisimannittut marluullutik nassuiaapput unnerluutigineqartoq sakkortusaarsimasoq tigusarineqarnerminut atatillugu, aammalu talini erfatsissimallugit.

Ilisimannittoq nassuiaavoq unnerluutigineqartup qanittuararsuulluni isimigut toorsimagaani. Taamatullu aamma nassuiaavoq isini aappillersimasoq sivikitsumillu qulliliorsimalluni.

Nunatta eqqartuussisuuneqarfia isumaqarpoq ilisimannittut sukumiisumik oqimaaqatigiissumik aamma assigiimmik nassuiaanerat pisimasoq pillugu tunngavigineqarsinnaasoq.

Taamatullu eqqartuussisuuneqarfik isumaqarpoq unnerluutigineqartup ilisimannittoq qanilliivillugu orninnerani inussani siumut tikkuatillugu minnerpaamik akuersaarsimagaa taamaalilluni isaatigut eqqorsinnallugu.

Taamaattumik unnerluutigineqartoq unnerluussissummi allaaserineqarneratut pisuutinneqarpoq.

Pisimasoq 2

Ilisimannittoq nassuiaavoq unnerluutigineqartumit assammiguunngikkuni talimigut kitissimalluni, taanna politiit biilianni issiatillugu. Nassuiaatigasaalu tamanna ikorfartuiffigineqarpoq ilisimannittup aappaata nassuiaataanit, tusaasimagamuk ilisimannittoq oqartoq unnerluutigineqartup kiissanngikkaani.  

Unnerluutigineqartoq tamanna tunngavigalugu pisuutinneqarpoq unnerluussssummi aallaserineqarneratut.

Pineqaatissiissut aalajangersarnepoq pinerluttulerinermik inatsimmi § 129, imm. 1, tak. imm. 2, tak. pinerluttulerinermik inatsimmi § 37 naapertorlugit, utaqqisitamik ulluni 20-ni pineqaatissinneqarsimasunut inissisarfimmiittussanngortinneqarnermik ukiumik atatsimik misiligaaffilikkamik.

Pineqaatissiissutissamik aalajangersaanermi nunatta eqqartuussisuuneqarfiata illuatungaani pingaartissimavaa, annerusumik ajoqusertoqarsimannginnera, aamma unnerluutigineqartup inuttut atugarisai pitsaasuummata, pingaartumillu piffissaq sivisoorujussuaq atorlugu suliaq suliarineqarsimammat, illuatungaatigullu pineqarmat pinerluttulerinermik inatsimmi  37-mik unioqqutitsinerit marluunneri.

Suliami aningaasartuutit naalagaaffiup karsianit akilerneqassapput, tak. eqqartuussisarnermik inatsimmi § 480, imm. 1.

Eqqartuussisoqarfiup eqqartuussutaa allanngortinneqarpoq imaalillugu, unnerluutigineqartoq eqqartuunneqarpoq utaqqisitamik ulluni 20-ni pineqaatissinneqarsimasunut inissisarfimmiittussanngortinneqarnermik ukiumik atatsimik misiligaaffilikkamik.

 

Suliap normua: K 066/22

Eqqartuussissutit nassuiaatillu