04 jul 2022
Nunatta Eqqartuussisuuneqarfia
Inissiisarfimmiittussanngortinneqarneq appartinneqarpoq - K 121/22
Dom afsagt: 4. juulip 2022
Angut 38-nik ukiulik eqqartuunneqarpoq ulluni 40-ni pineq. inissiisarfimmiittussanngortinneqarluni. Ilassutitut akiligassinneqarluni 158.000 kr.-inik kiisalu suliami aningaasartuutit 23.364,00 kr.-it akilissavai. Arsaarinnissutigineqarput 158 gram hash kiisalu hashilernermi atortut.
Eqqartuussissut Nunatta Eqqartuussisuuneqarfianit oqaatigineqarpoq ulloq 4. juli 2022.
Eqqartuussaq eqqartuussisoqarfimmit augustimi 2015-mi allat pingasut peqatigalugit eqqaartuunneqarpoq hashimik 238 grammimik anngiortumik eqqussisimanermut taassuma tuniniaqqinneqarnissaa siunertaralugu. Pisuunermik apeqqutitaa nunatta eqqartuusisuuneqarfianut suliareqqitassanngortinneqarsimanngilaq.
Pineqaatissiissut nunatta eqqartuussisuuneqarfianit aalajangersarneqarpoq utaqqisitamik ulluni 20-ni pineqaatissinneqarsimasunut inissiisarfimmiittussanngortinneqarnermik ukiumik ataatsimik misiligaaffilikkamik, akiligaassiissutigineqarlunilu 9.400 kr.
Eqqartuussisarnermi inatsimmi § 480, imm. 1 naapertorlugu suliami aningaasartuutit naalagaaffiup karsianit akilerneqassapput.
Pineqaatissiissummik aalajangersaanermi nunatta eqqartuussisuuneqarfianit pingaartinneqarsimavoq suliani assingusuni pineqaatissiissuteqartarnermi eqqartuussisarnermi periusiusartoq. Taamaatullu aamma nunatta eqqartuussisuuneqarfiata pingaartippaa Eqqartuussiviit Qullersaata pineqaatissiissummik aalajangersaasarnera, suliani pinerluttulerinermik tunngasuni ajornanngitsunnguani naapertuutinngitsumik piffissaq sivisuallaaq suliap suliarineqarneranut atorneqarnerani periusiusartoq, pisimasoq piliarineqarsimammat ukiut 7-it missaata matuma siornatigut nunatta eqqartuussisuuneqarfiata pingaarnertut isumaqatigiinniarnermik aallartitsinnginnerani.
Unnerluussisussaatitaasunit hashimik arsaarinnissutaasumik arsaarinnittoqarnissaanik piumasaqaatigineqartoq malinneqarpoq tak. pinerluttulerinermik inatsimmi § 166, imm. 2, nr. 1.
Eqqartuussisoqarfiup eqqartuussutaa allanngortinneqarpoq imaalillugu, pineqaatissinneqarsimasunut inissiisarfimmiittussanngortinneqarneq piffissaq appartinneqarluni ullunut 20-nut, akiligassiissut appartinneqarluni 9.400 kr.-inut, hashilu arsaarinnissutigineqartup annertussusia qaffanneqarluni 238 grammimut. Utaqqisitamik pineqaatissinneqarsimasunut inissiisarfimmiittussanngortinneqarnermi misigaaffik ukioq ataaseq attatiinnarneqarpoq.
Suliap normua K 121/22
Eqqartuussissutit nassuiaatillu