07 jul 2022
Nunatta Eqqartuussisuuneqarfia
Eqqartuussissut allanngortinneqarpoq - K 111/22
Angut 49-nik ukiulik eqqartuunneqarpoq qaammatini tallimani pineqaatissinneqarsimasunut inississarfimmiittussanngorlugu, meeqqanik pingasunik 12-it inorlugit ukiulinnik kinguaasiuutitigut allatut pinngitsaaliilluni atoqatiginnissimagami. Niviarsiaqqat mitagaanerannut ajunngitsorsiassat akilissavai.
Eqqartuussissut Nunatta Eqqartuussisuuneqarfianit oqaatigineqarpoq ulloq 7. juli 2022.
Nunatta eqqartuussisuuneqarfiata pineqaatissiissut aalajangersarpaa qaammatini qulingiluani pineqaatissinneqarsimasunut inissiisarfimmiittussanngortinneqarnermik. Nunatta eqqartuussisuuneqarfiata pingaartumik pingaartippaa, pineqartoq tassaammat pisimasuni pingasuni kinguaassiutitigut meeqqanik mikisunik pingasunik kannguttaatsuliorfiginninnerit, taakkunannga pisimasoq siulleq aamma aappaa oqaatigineqartariarlutik peqqarniilluinnartumik inatsisinik unioqqutitsinertut. Aamma nunatta eqqartuussisuuneqarfiata isiginiarsimavaa, suliap sivisuallaamik suliarineqarsimanera nalunaarutiginninnerup pineraniit nunatta eqqartuussisuuneqarfiani aalajangiinissap tungaanut.
Eqqartuussisarnermi periuseq naapertorlugu kinguaassiutitigut kannguttaatsuliorfiginninnerni mitagaanermut ajunngitsorsiassat aalajangersarneqarput niviarsiaraq 1. 15.000 kr.-inik, niviarsiaraq 2. 25.000 kr.-inik aamma niviarsiaraq 3. 5.000 kr.-inik.
Unnerluutigineqartoq eqqartuunneqarpoq qaammatini qulingiluani pineqaatissinneqarsimasunut inissiisarfimmiittussanngortinneqarluni.
Unnerluutigineqartup sapaatit akunneri sisamat qaangiutsinnagit mitagaanermut ajunngitsorsiassat akilissavai.
Suliap normua: K 111/22
Eqqartuussissutit nassuiaatillu