Nakuuserneq - K 083/22

Eqqartuussissut Nunatta Eqqartuussisuuneqarfianit oqaatigineqarpoq ulloq 25. august 2022.

Unnerluutigineqartoq aamma pinerlineqartoq assigiimmik nassuaateqarput, unnerluutigineqartup taamatut siunertaqarluni pinerlineqartoq scooterimik aporsimagaa. Taamaalilluni uppernarsineqarpoq, unnerluutigineqartup unioqqutissimagaa aqqusinertigut angallannermi inatsit unnerluussissummi pisimasoq 1-mi oqaatigineqartutut misissuaalliorsimagami.

Unnerluutigineqartoq nassuerpoq, pinerlineqartoq ataasiarlugu tillussimallugu. Nassuereerneratigut, tamannalu nammineerluni nassuiaaneratigut aamma pinerlineqartup nassuiaaneranit ikorfartuiffigineqarpoq aamma suliami saqqummiunneqartut sinnerinut, nunatta eqqartuussisuuneqarfiata uppernarsineqartutut isumaqarfigivaa unnerluutigineqaatiminut pisimasut aappaanni pisuusoq taamatut. Pinngitsuutinneqarpoq unnerluutigineqaatimi sinneranut.

Unnerluutigineqartoq aalajangiusimannilluni nassuiaavoq pinerlineqartoq qisuariarfigisimallugu, pinerlineqartoq siorasaarimmat aallaasini aariarlugu aallaaniarlugit. Pinerlineqartup tamanna uppernarsarsinnaanngilaa aammalu assortornagu.

Eqqartuussisoqarfimmi ikinnerusussuteqartut tunngavilersuutaat tunngavigalugit, eqqartuussisuuneqarfik isumaqarpoq, uppernarsineqanngitsoq unnerluutigineqartup allatut ajornartumik imminut illersorniarluni iliuuseqarsimanera. Taamaattorli eqqartuussisuuneqarfik isumaqarpoq, unnerluutigineqartup pisup aallartissimaneranik uppernartumik nassuiaanera uppernartuusoq, aammalu sakkukillisaataasoq, tassami pissutsit aallaavigalugit unnerluutigineqartoq isummamigut aalassaqasimammat.

Pisimasut ukiut pingasut matuma siornatigut pisimapput. Aamma qularnarunnaarsinneqanngilaq piffissaq suliap siliarineqarneranut atorneqarsimasoq unnerluutigisup pisuussutigigaa. Pineqartoq tassaavoq pinerluttulerinermik suliaq ilungersunartuunngitsoq, taanna siusinnerusukkulli naammassineqartussaasimagaluarluni, taamaattumik aqqusinertigut angallannermi inatsimmik unioqqutitsinermi akiligassaassut atorunnaarsinneqarpoq.

Suliap pissusia isiginiarneqarluni, tassunga ilanngullugu sakkukillisaataasut suliap sivisuumik suliarineqarneranut, nunatta eqqartuussisuuneqarfiata pineqaatissiissut aalajangersarpaa utaqqisitamik ulluni 30-ni pineqaatissinneqarsimasunut inissiisarfimmiittussanngortitsinertut ukiumik ataatsimik misiligaaffilerlugu, tak. Pinerluttulerinermik inatsimmi § 88, uniffik siulleq, tak. § 129, imm. 1 aamma 2.

Unnerluutigineqartoq eqqartuunneqarpoq utaqqisitamik ulluni 30-ni pineqaatissinneqarsimasunut inissiisarfimmiittussanngortinneqarnermik. Pineqaatissiissut kinguartinneqarpoq atorunnaassallunilu misiligaaffik ukioq ataaseq qaangiuppat, unnerluutigineqartoq misiligaaffiup ingerlanerani nutaamik inatsisinik unioqqutitseqqinngippat.

Suliap normua: K 083/22

Eqqartuussissutit nassuiaatillu