Unnerluutigineqartoq pinngitsuutinneqarpoq - K 027/22

Dom afsagt: 22. aggustip 2022

Eqqartuussissut Nunatta Eqqartuussisuuneqarfianit oqaatigineqarpoq ulloq 22. august 2022.

Uppernarsaasiisoqareerneratigut tunngavigineqarpoq, biili aqquserngup sinaanut Qiviarfimmi inissinneqarsimasoq, unnerluutigineqartoq aquttarfiani issiavoq sinillunilu, aamma inuk alla ilaasut issiaviani issiavoq sinilluni motorilu ingerlalluni politiit piffimmut takkummata. Politiinit qulakkeerinniffigineqarsimanngilaq ilaasut issiaviani inuup issiasup kinaanera. Taamatullu aamma tunngavigineqarpoq ilisimannittup takusimanngimmagu kia biili ingerlanneraa. Taamatullu tunngavigineqarluni unnerluutigineqartoq aalakoorsimasoq, tamatumalu kingornatigut aavata imigassamik aalakoornartulimmik akoqarnera uuttortarneqarsimalluni minnerpaaffissaa 1,66 promille-usoq.

Unnerluutigineqartoq nassuiaavoq, imerniartarfimmit Raajamiit biilip inissiffiata tungaanut nammineq ingerlassimanagu, aammalu aquttup issiavianut ingikkami biili aqunniarsarisimanagu, kisiannili motoria ingerlatissimallugu kissassimaarniarluni.

Pissutsip imaassimanerata, biilip motoriata ikumasimanera, unnerluutigineqartoq aquttup issiaviani issiatillugu, naammanngilaq uppernarsineqartutut isumaqarfigissallugu, unnerluutigineqartup biilimik ingerlatsisimaneranik imaluunniit biilimik ingerlatseriaraluarsimaneranik.

Uppernarsaasiisoqareerneratigut eqqartuussisut isumaqanngillat unnerluussisussaatitaasunit tamakkiisumik naammattumik uppernarsineqarsimasoq, unnerluutigineqartup unnerluussissummi oqaatigineqartumi piffissami biili ingerlateriaraluarsimagaa imaluunniit ingerlassimagaa. Taamaattumik unnerluutigineqartoq pinngitsuutinneqarpoq unioqqutitsinermut aqqusinertigut angallannermi inatsimmi § 9, imm. 1 malillugu.

Suliap normua: K 027/22

Eqqartuussissutit nassuiaatillu