13 sep 2022
Nunatta Eqqartuussisuuneqarfia
Eqqartuussisoqarfiup eqqartuussutaa allanngortinneqarpoq - K 155/22
Angut 40-nik ukiulik nalunaaquttap akunneri 40-t inuiaqatigiinni sulisussanngortinnerpoq qaammatit arfinillit sivisunerpaaffiliunneqartup iluani naammassineqartussamik, angummik allamik arlaleriartumik kiinaatigut anaalerlugu aammalu ajallugu nunamut uppisillugu kiisalu toqqusassissimammagu.
Eqqartuussissut Nunatta Eqqartuussisuuneqarfianit oqaatigineqarpoq ulloq 13. september 2021.
Unnerluutigineqartup nassuernera aamma ilisimannittut nassuiaanerat tunngavigineqarput, tassa unnerluutigineqartup angut ajassimagaa, aamma assani siaarsimasoq angutip kiinaanut atorsimagaa, niaqqumi avaavatigut iikkamut aportillugu, kiisalu marloriarlugu angut natermut nallakartissimallugu. Unnerluutigineqartoq pisuunnginnerarpoq angummut qungasersiinermut, aamma ilisimannittoq nassuiaavoq, unnerluutigineqartup angutip atisaasa kraaviatigut tigusimagaa, taamaaliornermigullu qungasiatigut annikitsumik amiatigut tigusimallugu.
Taamaalilluni nunatta eqqartuussisuuneqarfianit uppernarsineqarpoq, unnerluutigineqartup arlaleriarluni angut ajassimagaa, kiinaatigut annersissimagaa aamma natermut uppitissimagaa, unnerluussissummi oqaatigineqartutut, kisiannili pisarialimmik uppernarsineqanngilaq unnerluutigineqartup qungasersiisimanera, taamaattumillu unnerluussutip taannartaanut pinngitsuutinneqarluni.
Pineqaatissiissutissamik aalajangersaaniarnermi pingaartinneqarsimavoq sakkukillisaatitut isumaqarfigineqarluni, pisoq sioqqullugu aaqqiagiinngittoqarsimanera, aamma angut kamalluni aalasaqqallunilu ullaap tungaa taanna unnerluutigineqartumut saaffiginnissimasoq, sakkortusaatitullu isumaqarfigineqarpoq nakuuserfiginninneq marloriarluni pisimammat.
Pineqaatissiissut aalajangerssarneqarpoq utaqqisitamik ulluni 30-ni pineqaatissinneqarsimasunut inissiisarfimmiittussanngortinneqarnermik, piffissarlu misiligaaffik aalajangersarneqarluni ukiumut ataatsimut, tak. Pinerluttulerinermik inatsimmi § 88, tak. § 129.
Eqqartuussisoqarfiup eqqartuussutaa allanngortinneqarpoq, taamaalilluni unnerluutigineqartoq unnerluutigineqartoq eqqartuunneqarluni utaqqisitamik ulluni 30-ni pineqaatissinneqarsimasunut inissiisarfimmiittussanngortinneqarnermik, piffissarlu misiligaaffik aalajangersarneqarluni ukiumut ataatsimut. Pineqaatissiissut kinguartinneqarpoq atorunnaassallunilu ukioq ataaseq misiligaaffiliunneqartoq ingerlareerpat.
Suliap normua: K 155/22
Eqqartuussissutit nassuiaatillu