Ulluni 30-ni pineq. inissiisarfimmiittussanngortinneqarluni - K 292/22

Eqqartuussissut Nunatta Eqqartuussisuuneqarfianit oqaatigineqarpoq ulloq 10. januar 2023.

Unnerluutigineqartoq ulloq 10. juni 2019 eqqartuunneqarpoq pinerlineqartoq 5-riarlugu niaquatigut kasuttarsimallugu, pinerlineqartoq siggummigut qallikkut kilersimavoq, kigutinilu allerniittoq ataaseq annaasimallugu aamma kiinnamigut pullanneqalersimalluni. Pisuunermik apeqqut nunatta eqqartuussisuuneqarfianit suliareqqitassanngortinneqarsimanngilaq.

Nunatta Eqqartuussisuuneqarfianit pineqaatissiissut aalajangersarneqarpoq utaqqisitamik ulluni 40-ni pineqaatissinneqarsimasunut inissiisarfimmiittussanngortinneqarnermik ukiumik ataatsimik misiligaaffilikkamik. Tak. Pinerluttulerinermik inatsimmi § 129, imm. 1 aamma 2, tak. § 88, uniffik siulleq.

Nunatta eqqartuussisuuneqarfiata pingaartippaa pineqartoq tassaammat nakuuserneq peqqarniinnerusutut isikkulik, tassani ilaatigut pinerlineqartoq annertuumik kigutimigut ajoqusersimavoq kigullu ataaseq annaasimallugu. Sakkukillisaataasutut oqaatigineqarsinnaasutut eqqartuussisuuneqarfimmit pingaartinneqarpoq pinerlineqartup unnerluutigineqartoq kamassaarsimammagu ujattorneratigut aamma natikkut uniakalaarneratigut, unnerluutigineqartup pinerlineqartumik annersitsinerata kinguninnguatigut.

Taamatullu aamma nunatta eqqartuussisuuneqarfianit pingaartinneqarpoq pisimasoq piliarineqarsimammat juni 2019-mi, aammalu piffissaq suliamik suliarneq piffissami sivisujaami eqqartuussivimmi uninngasimalluni. Tamannalu unnerluutigineqartup pisuussutiginngikkaa, tassa ukiut sisamaata affaata ingerlasimammat pisimasup piliarineqarneraniit.

Unnerluutigineqartoq eqqartuunneqarpoq ulluni 40-ni pineqaatissinneqarsimasunut inissiisarfimmiittussanngortinneqarnermik. Pineqaatissiissut kinguartinneqarpoq atorunnaassallunilu ukioq ataaseq misiligaaffik qaangiuppat.

Suliap normua: K 292/22

Eqqartuussissutit nassuiaatillu