Eqqartuussisoqarfiup eqqartuussutaa atuuttussanngortinneqarpoq - K 293/22

Eqqartuussissut Nunatta Eqqartuussisuuneqarfianit oqaatigineqarpoq ulloq 24. februar 2023.

Eqqartuussisarnermi periusiuvoq pineqaatissiisarneq, pinerluttulerinermik inatsimmi toqutseriarnermi aalajangersagai naapertorlugit aallaavittut pineqaatissinneqarsimasunut inissiisarfimmiittussanngortitsisarnermik.

Suliami matumani eqqartuussisut isumaqarput, pineqaatissiissutissamik toqqaanermi ingammik pingaartinneqassammat, unnerluutigineqartoq peqqarniitsumik nakuserfiginnissimammat, aamma savik angisooq pineqartoq kapigamiuk sakkugisimallugu, kiisalu aamma nalunaaquttap akunneri marluk uninngatiinnarsimallugu.

Eqqartuussisunit maluginiarneqarpoq suliffeqartoq aamma illoqarluni, aamma nakorsamut sianertissimagaa nalunaaquttap akunnerisa marluk qaangiunnerisigut. Taamaattorli eqqartuussisut naliliipput sakkortusaataasut oqimaannerutillugit pissutsinut sakkukillisaataasinnaasunut naleqqiullugit.

Pineqaatissiissut aalajangersarneqarpoq pinerluttulerinermik inatsimmi § 86, imm. 1, tak. § 12 naapertorlugit, ukiuni sisamani pineqaatissinneqarsimasunut inissiisarfimmiittussanngortinneqarnermik, tak. Pinerluttulerinermik inatsimmi § 146.

Eqqartuussisunit maliginiarneqarpoq unnerluussisoq piumasaqaateqanngimmat arsaarinnissuteqartoqarnissaanik kiisalu taarssiissuteqartoqarnissaanik, unnerluussissummi allaqagaluartut, taamaammat tamanna isummerfigineqanngilaq.

Eqqartuussisarnermi inatsimmi § 480, imm. 1 naapertorlugu  suliami aningaasartuutit naalagaaffiup karsianit akilerneqassapput.

Unnerluutigineqartoq eqqartuunneqarpoq ukiuni sisamani pineqaatissinneqarsimasunut inissiisarfimmiittussanngortinneqarluni.

Suliap normua: K 293/22

Eqqartuussissutit nassuiaatillu