17 mai 2023
Nunatta Eqqartuussisuuneqarfia
Eqqartuussisoqarfiup eqqartuussutaa atuuttussanngortinneqarpoq - K 051/23
Arnaq 40-nik ukiulik eqqartuunneqarpoq 1.500 kr.-inik akiligassinneqarluni aammalu arsaarneqarpoq qamummik motorimik ingerlatsisinnaanermut allagartaqarnissamik piumasaqaatitalimmut. Ilisimannittup ernera qamutini issiasoq, ilisimannittup pisulluni uniaraa, unnerluutigineqartup aporamiuk.
Eqqartuussissut Nunatta Eqqartuussisuuneqarfianit oqaatigineqarpoq ulloq 17. maj 2023.
Unnerluutigineqartup aamma ilisimannittup nassuiaateqarnerisigut eqqartuussisuuneqarfiup tunngavigivaa pisimasoq pineqartoq pisimanngimmat meeqqeriviup Timmiaaqqat eqqaanni Nuummi Lyngby-Taarbækvej 2-mi, unnerluussissummi oqaatigineqartutut, kisianni meeqqeriviup Qiviup eqqaani Nuummi Samuel Kleinschmidtsvej 6b-p eqqaani.
Taamatut allannguuserlugu nunatta eqqartuussisuuneqarfia eqqartuussiveqarfik assigalugu isumaqarpoq, ilisimannittup uppernartumik nassuiaaneratigut, sanilliunneqarlutik saqqummiunneqartut sinneri, uppernarsineqartoq unnerluutigineqartoq pisuusoq unnerluutigineqaatimisut – taamaattoq pisimasoq allanngortinneqarluni tassaasoq aqqusinertigut angallannermi inatsiimmi § 32 a, imm. 2, tak. § 22, imm. 1.
Tamanna tunngavigalugu pineqaatissiissutigalugu eqqartuussutigineqartoq pisimasup isikkuanit naapertuuttutut isumaqarfigineqarpoq eqqartuussisoqarfiup eqqartuussutaanik atuuttussanngortitsinermi.
Eqqartuussisoqarfiup eqqartuussutaa atuuttussanngortinneqarpoq.
Suliap normua: K 051/23
Eqqartuussissutit nassuiaatillu