08 mai 2023
Nunatta Eqqartuussisuuneqarfia
Inissiisarfimmiittussanngortitaaneq utaqqisitanngortinneqarluni - K 269/22
Angut 40-nik ukiulik eqqartuunneqarpoq ulluni 60-ni pineqaatissinneqarsimasunut inissiisarfimmiittussanngortinneqarpoq, taanna angummut allamut nakuusersimammat aammalu aanngajaarniutit pillugit inatsimmi unioqqutitsisimasutut.
Eqqartuussissut Nunatta Eqqartuussisuuneqarfianit oqaatigineqarpoq ulloq 8. maj 2023.
Nunatta eqqartuussisuuneqarfianit isumaqatigineqarpoq eqqartuussisoqarfiup pineqaatissiissummik sivisussusiliinera, kisiannili suliap sivisuallaamik suliarineqarsimanera pissutigalugu pineqaatissinneqarsimasunut inissiisarfimmittussanngortinnerup utaqqisitanngortinneqassasoq ukiumik ataatsimik misiligaaffilikkamik.
Eqqartuussisoqarfiup eqqartuussutaa atuuttussanngortinneqarpoq imatut allannguusilerlugu, ulluni 60-ni pineqaatissinneqarsimasunut inissiisarfimmiittussanngorneq utaqqisitanngortinneqarluni. Pineqaatissiissut kinguartinneqarpoq atorunnaassallunilu ulloq 8. maj 2023 aallarnerfigalugu ukiumik ataatsimik misiligaaffiliineq naappat.
Suliap normua: K 269/22