22 maj 2023
Nunatta Eqqartuussisuuneqarfia
Eqqartuussut allanngortinneqarpoq - K 087/23
Angut 38-nik ukiulik qaammatini 2-ni eqqartuunneqarsimasunut inissiisarfimmiittussanngortinneqarpoq, arnaq tingoriarlugu kivikkamiuk, kinguninngualu sofamut naloriullugu, taamaallilluni arnap talia saamerleq napillugu napparsimavimmut unitsinneqarneranik kinguneqartumik aamma igalaaq aseroramiuk.
Eqqartuussissut Nunatta Eqqartuussisuuneqarfianit oqaatigineqarpoq ulloq 22. maj 2023.
Pinerlineqartoq eqqartuussisuuneqarfimmi uppernartumik nassuiaateqarpoq, tamannalu tunngavigalugu eqqartuussisoqarfik assigalugu uppernarsineqarpoq, unnerluutigineqartoq nakuusersimasoq pinerlisamut ajoquserneqarnermik kinguneqartumik unnerluussissummi oqaatigineqartutut.
Unnerluutigineqartoq siusinnerusukkut nakuuserneq pillugu arlaleriarluni eqqartuunneqartareernikuuvoq, suliami matumani pisimasut pisimapput Qaasuitsup Eqqartuussisoqarfiata eqqartuussutaa ulloq 11. januar 2021 sioqqullugu, tassani unnerluutigineqartoq ullormi 12. juni 2019 taamanikkut inooqatigisaminut nakuusernermut eqqartuunneqarpoq utaqqisitamik ulluni 30-ni pineqaatissinneqarsimasunut inissiisarfimmiittussanngortinneqarnermik.
Eqqartuussummik taassuminnga, tamanna peqatigitillugu atorunnaarsinneqarpoq, suliamilu matumani pineqaatissiissummik ataatsimoortitsoqartussaavoq, tak. Pinerluttulerinermik inatsimmi § 124.
Suliami matumani pisimasoq suliarineqartoq ullormi 11. Januar 2021-mi eqqartuussut malillugu, unnerluutigineqartoq siusinnerusukkut nakuusernermut eqqartuussisuuneqarfiup isumaa malillugu eqqartuunneqarsimasussaagaluarpoq utaqqisitaanngitsumik qaammatini pingasuni pineqaatissinneqarsimasunut inissiisarfimmittussanngortinneqarnermik.
Piffissalli ingerlasimanera pissutigalugu pinerliinerup pineraniit, eqqartuussisuuneqarfik isumaqarpoq unnerluutigineqartoq maannakkut taamaallaat eqqartuunneqassasoq ataatsimoortitamik pineqaatissiissummik utaqqisitaanngitsumik ulluni 30-ni pineqaatissinneqarsimasunut inissiisarfimmiittussanngortinneqarnermik. Nunatta eqqartuussisuuneqarfiata isiginiarsimavai unnerluutigineqartup siusinnerusukkut unioqqutitsisarsimaneri pinerluttulerinermik inatsmmi 88-mik, aamma inatsisinik unioqqutitsinerit peqqarniissusiat malillugu tunngavissaqartinneqanngilaq utaqqisitamik pineqaatissinneqarsimasunut inissiisarfimmiittussanngortitsinissamik imaluunniit inuiaqatigiinni sulisitanngortitsinermik.
Taamatut allannguuserlugu nunatta eqqartuussisuuneqafia eqqartuussisoqarfiup eqqartuussutaanik atuuttussanngortitsivoq.
Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, unnerluutigineqartoq eqqaartuunneqarpoq utaqqisitaanngitsumik ulluni 30-ni pineqaatissinneqarsimasunut inissiisarfimmiittussanngortinnermik.
Suliap normua: K 087/23
Eqqartuussissutit nassuiaatillu