25 maj 2023
Nunatta Eqqartuussisuuneqarfia
Mitagaanermut ajunngitsorsiassat 20.000 kr.-iussapput - K 112/23
Angut 38-nik ukiulik eqqartuunneqarpoq qaammatini sisamani pineqaatissinneqarsimasunut inissiisarfimmiittussanngortinneqarnermik aammalu akilissavai mitagaanermut ajunngitsorsiassat 10.000,00 kr. meeqqamik 15-it inorlugit ukiulimmik atoqatiginnissimammat.
Eqqartuussissut Nunatta Eqqartuussisuuneqarfianit oqaatigineqarpoq ulloq 25. maj 2023.
Nunatta Eqqartuussisuuneqarfiata eqqartuussisoqarfik assigalugu isumaqarput, pineqaatissiissuummi ersersinneqartariaqarpoq pinerlisap 13-nik ukioqartup aamma unnerluutigineqartup 35-nik ukioqartup ukiumikkut nikinganerat aammalu pinerlisap angajuanik aappaqarsimanera, aamma ersersinneqartariaqarpoq uani pineqarmat arlaleriarluni atoqatigiittarsimaneq. Nunatta eqqartuussisuuneqarfiata tunualiaqutaasoq isumaqatigivaa, tassa pineqaatissiissutip qaammatinut sisamanut pineqaatissinneqarsimasunut inissiisarfimmiittussanngortinneqarnermik sivisussusiligaanera, kisiannili eqqartuussisuuneqarfiup suliap peqqarniissusia pissutigalugu isumaqarluni pineqaatissinneqarsimasunut inissiisarfimmiittussanngortinneqarnerup utaqqisitaanngitsunngortinneqarnisssaa, naak suliaq ukiut marlut matuma siornatigut pisimagaluartoq aamma naak unerluutigineqartoq inuttut atugarissaartuugaluartoq.
Aamma eqqartuussisut sulittaasuat isumaqarpoq mitagaanermut ajunngitsorsiassaq qaffaavigineqartariaqartoq 20.000 kr.-inngortinneqarluni, uani pineqarmat atoqatiginninneq.
Nunatta eqqartuussisuuneqarfia eqqartuussisoqarfiup aalajangigaanik atuuttussanngortitsivoq taamatut allannguuserlugu.
Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, qaammatini sisamani pineqaatissinneqarsimasunut inissiisarfimmiinnissaq utaqqisitaanngitsunngortinneqarluni, aamma mitagaanermut ajunngitsorsiassat 20.000 kr.-iussapput.
Suæiap normua: K 112/23
Eqqartuussissutit nassuiaatillu