12 jul 2023
Nunatta Eqqartuussisuuneqarfia
Eqqartuunneqarpoq 1.500 kr.-inik akiligassiissummik - K 119/23
Angut 30-nik ukiulik Sermersuup eqqartuussivianit pinngitsuutinneqarpoq. Unnerluutigineqarpoq nakuuserfiginninniartutut, imigassamik aalakoornartulimmik sunnertisimalluni, pisutissaqalersitsusumik akornutaasutut. Arnaq nipituumik oqalliseqatigalugu, taanna ajallugu uppitissimallugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 12. juli 2023.
Pisimasoq 1.
Assigiimmik nassuiaatigineqartunit tunngavigineqartariaqarpoq, unnerluutigineqartoq unnummi pineqartumi takuneqarsinnaasumik aalakoorsimammat aammalu silami arnaq assortuuteqatigalugu. Taamatullu aamma ilisimannittup nassuiaaneratigut tunngavineqartariaqarluni, assortuuneq ima sakkortutigisimasoq, ilisimannittup aamma aappaata tassanngaaniit ungasiaartumi najugallit innareersimasullu, ersarissumik tusaasinnaasimammatigit, anillattariaqalersillugit orniguttariaqalersillugillu, tassani ilisimannittup aappaa kolligiami pigaartuusimavoq. Taamatullu aamma ilisimannittoq pissutissaqarsimalluni politiinik aggersaanissamik.
Nunatta eqqartuussisuuneqarfia isumaqarpoq arnaq politibetjent qularnaatsumik aamma uppernartumik pisimasup qanoq ingerlasimaneranik nassuiaateqarsimasoq politiit takkutereernerisigut pisimasumik. Nassuiaatigineqartoq ikorfartuiffigineqarpoq angut reservebetjent nassuiaatigisaanit. Taamaattumik tunngavigineqarsinnaavoq, politiit aneerasaartarfiusamiittut koligiani inissiat silataani unnerluutigineqartoq tungaannut aallarsimasoq. Taamatullu aamma tunngavigineqarsinnaavoq, politiit arlaleriarlutik unnerluutigineqartoq eqqissisisimaqqusimammassuk aamma politiinut qanillineroqqunagu mianersoqqusillutillu malinninngippat pebersprayi atorneqassasoq. Naggataatigullu tunngavigineqartariaqarpoq, unnerluutigineqartup tamanna soqutiginagu makitasaartumik pissuseqarsimammat, talersuutigalunilu unnerluussissummi oqaatigineqartutut oqarsimalluni. Taamaattumik pisimasup piffia aneerasaartarfiusaq sumiiffimmigut atorneqartarnermigullu politiinut ileqqoreqqusamut ilaatinneqartutut isigineqartariaqarmat, maannakkut torersuutitsinissamik nalunaarut, tassunga killilikkamik isumaqarfigineqarpoq uppernarsineqarsimanngitsoq unnerluutigineqartup arnaq ajallugu uppitissimagaapisuutinneqarluni unnerluutigineqaatigisani malillugu.
Pisimasoq 2.
Eqqartuussisuuneqarfik isumaqarpoq unnerluutigineqartup aamma ilisimannittut angutit marluk assigiimmik nassuiaateqarnerisigut, unnerluussisussaatitaasunit uppernarsineqarsimanngitsoq eqqartuussuteqarfigissallugu pisarialimmik unnerluussisussaatitaasunit unnerluutigineqartup pisuunera, taamaattumik pisimasumi tamatumani unnerluutigineqartoq pinngitsuutinneqarpoq.
Nunatta eqqartuussisuuneqarfia isumaqarpoq politiinut ileqqoreqqusap unioqqutinneqarnerani, maannakkut torersuutitisnissamik nalunaarut, aalajangersarneqassasoq ataatsimut akiligassiissut 1.500 kr.-inut.
Eqqartuussisoqarfiup eqqartuussutaa allanngortinneqarpoq.
Unnerluunneqartoq eqqartuunneqarpoq akiligassiissuteqarfigineqarluni 1.500 kr.-inik.
Suliap normua: K 119/23
Eqqartuussissutit nassuiaatillu