Akiligassiissut appartinneqarpoq 25.000 kr.-inngortinneqarluni - 139/23

Eqqartuussissut Nunatta Eqqartuussisuuneqarfianit oqaatigineqarpoq ulloq 14. juli 2023.

Nunatta eqqartuussisuuneqarfianit eqqartuussisoqarfik isumaqatigineqarpoq, tassa aallaavittut pineqarsimaneratut pineqaatissiissut aalajangersarneqassasoq.

Unnerluussissut 18. november 2020-mik ulluligaavoq eqqartuussivimmilu tiguneqarsimalluni ulloq 18. december 2020. Eqqartuussisoqarfik eqqartuussuteqarpoq ulloq 4. april 2023.

Isiginiarneqarluni suliap suliarineqarnerani piffissaq atorneqarsimasoq suliami pineqaatissiissutissami pisariunngitsumi, tamannalu unnerluutigineqartumut pisuutitsissutaasinnaanngimmat, eqqartuussivik isumaqarpoq akiligassiissutigineqartut aalajangersimasumik annertussusilerneqartartut apparneqartariartut 25.000 kr.-inut, aamma suliami aningaasartuutit naalagaaffiup karsianit akilerneqartariaqartut.

Pineqaatissiissut aalajangersarneqarpoq inatsisartut inatsisaanni nr. 24 25. November 2022-meersoq malillugu ikiaroornartut pillugit § 5, imm. 1, tak. § 2, imm. 4, tak. Namminersorlutik Oqartussat nalunaarutaanni ikiaroornartoq pillugu § 2, imm. 2, tak. imm. 1, tak. ilanngussaq 1, liste B, nr. 59, tak. Taamanikkut inatsit atuuttoq ikiaroornartut pillugit § 3, tak. § 1, tak. Ikiaroornartut pillugit nalunaarummi § 27, imm. 1, tak. § 2, tak. ilanngussaq 1, liste A, nr. 1.

Taamatut allannguuserneqarluni aamma arsaarinnissutissatut piumasaqaatit assortuussutigineqanngimmata, eqqartuussunit suliareqqitassanngortitaq atuuttussanngortinneqarpoq.

Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, akiligassiissut appartinneqarpoq 25.000 kr.-inngortinneqarluni.

Suliami aningaasartuutit naalagaaffiup karsianit akilerneqassapput.

Suliap normua: K 139/23

Eqqartuussissutit nassuiaatillu