Nakkutigisassanngortinneqarpoq - K 137/23

Eqqartuussissut Nunatta Eqqartuussisuuneqarfianit oqaatigineqarpoq ulloq 10. juli 2023.

Unnerluutigineqartoq eqqartuussisoqarfimmit eqqartuunneqarpoq 0,13 gram hashimik nammineq atugassamik tigumiaqarnermut, 19-riarluni tillinniarsimasutut, tassunga ilanngullugu arlaleriarluni iserternikkut tillinniarnerit, ilaatigut tillinniariaraluarnerit aamma pingasoriarluni aserorterisimanermut. Pisimasut piliarineqarsimallutik piffissami 28. april 2020-miit 14. marts 2022-p tungaanut. Pisuunermik apeqqut suliareqqitassanngortinneqanngilaq.

Unnerluutigineqartoq pingaartumik eqqartuunneqarpoq pigisanik annikitsuinnarmik nalilinnik tillinniaqattaarnernut, tassunga ilanngullugit inuussutissat. Nakorsanit oqaaseqaatigineqartut isiginiarneqarlutik, tassunga ilanngullugu retspsykiatriskemiit innersuussutigalugu nalunaarusiaq 17. januar 2023-meersoq aamma assigiimmik piumasaqaateqartoqarneratigut, nunatta eqqartuussisuuneqarfiata pineqaatissiissut aalajangersarpaa nakkutiginninnermik, tak. Pinerluttulerinermik inatsimmi § 157, imm. 2, tak. § 132, imm. 1, tak. Pinerluttulerinermik inatsimmi §§ 102, 113 aamma 114, tak. ilaatigut § 12 ikiaroornartut pillugit inatsit taamanikkut atuuttoq § 3, tak. § 1, tak. Ikiaroornartut pillugit nalunaarummi § 27, imm. 1, tak. § 2, tak. ilanngussaq 1, liste A, nr. 1.

Nunatta eqqartuussisuuneqarfianit Qeqqata Kommunia nakkutiginnittussatut ivertinneqarpoq, tak. Pinerluttulerinermik inatsimmi § 132, imm. 1, uniffik siulleq. unnerluutigineqartoq pisussaaffiligaavoq kommunip aalajangigaanik malinnissasoq sumiiffimmik suliffimmillu, tak. Pinerluttulerinermik inatsimmi § 133, imm. 1,

Sivisunerpaaffiliunneqarput ukiut marluk, tak. Pinerluttulerinermik inatsimmi § 158, imm. 3.

Unnerluutigineqartoq Qeqqata kommunianit nakkutigisassanngortinneqarpoq malinnequsaalluni kommunip aalajangigai sumiiffimmik aamma suliffimmik malissagai. Ukiut marluk sivisunerpaaffiliunneqarput.

Suliap normua: K 137/23

Eqqartuussissutit nassuiaatillu