Sivisussusiligaanngitsumik eqqartuunneqarpoq - K 151/23

Eqqartuussissut Nunatta Eqqartuussisuuneqarfianit oqaatigineqarpoq ulloq 8. august 2023.

Unnerluutigineqartoq Qeqqata Eqqartuussisoqarfianit ulloq 18. apriili 2023 pinerluttulerinermi inatsimmi § 88 – nakuuserneq, § 86, imm. 1 – toqutsineq aamma § 46 – toqungasumik assuarnartumik ikkatarinninneq pillugit unioqqutsitsisimasutut sivisussuseqanngitsumillu immikkut paarisassanngortinneqartussatut eqqartuunneqarpoq, tak. pinerluttulerinermi § 161.

Suliaq pineqaatissiissusiineq pillugu suliareqqitassanngortitsinertut nunatta eqqartuussisuuneqarfiani suliarineqarpoq.

Pinerluttuliornerup qanoq ittuunera pillugu paasissutissat nakorsat eqqartuussinermi siunersiorneqartartut ulloq 25. januaari 2023 nalunaarutaannut, pinerluttuliornikkut ulorianassutsimik ersersitsinermut unnerluutigineqartullu inuttut atugaatut ilisimatitsissutigineqartunut sanilliukkaanni sivisussusilerneqanngitsumik immikkut paarisassanngortitsineq allat inuunerisa, timaasa, peqqissusaasa kiffaanngissusiisalu ulorianartorsiortinneqarnissaasa pinaveersaartinnissaannut pisariaqartutut nalilerneqarpoq, tak. pinerluttulerinermi inatsimmi §161.

Taamaalilluni nunatta eqqartuussisuuneqarfiata unnerluutigineqartup, sivisussusilerneqanngitsumik immikkut paarisassanngortinneqartutut eqqartuunneqarnera isumaqatigaa.

Nunatta eqqartuussisuuneqarfiata illuatungeriit mitaatiginninneq pillugu taartisinissamik apeqqutimmut assigiimmik piumasaqarnerat malillugu taartisinissamik aalajangiisartunut suliarineqartussatut innersuuppaa.

Nunatta eqqartuussisuuneqarfiata taamaalilluni eqqartuussisoqarfiup eqqartuussutaa aalajangersarpaa.

Suliap normua: K 151/23

Eqqartuussissutit nassuiaatillu