Eqqartuussisoqarfiup eqqartuussutaa allanngortinneqarpoq - K 248/23

Eqqartuussissut Nunatta Eqqartuussisuuneqarfianit oqaatigineqarpoq ulloq 19. januar 2024

Unnerluutigineqartoq eqqartuussisoqarfimmi ulloq 19. decembari 2019 iPad-imik, assinik aningaasartalinnik, nalunaaqutaaqqamik oqarasuaammillu tillissimasutut eqqartuunneqarpoq. Pigisat nalingi erseqqissumik nalunaarsorneqarsimanngillat, aamma suliamit erserpoq unnerluutigineqartup pigisat politiinut tunniussimagai. 

Nunatta eqqartuussisuuneqarfiata eqqartuussisoqarfik isumaqatigalugu unnerluutigineqartup eqqartuussisoqarfiup eqqartuussutaani aalajangersarneqartutut inissiisarfimmiittussanngorlugu utaqqisitamik eqqartuunneqartariaqarsoraa. Nunatta eqqartuussisuuneqarfiata taamaalilluni pingaarnertut tunngavigivaa unnerluutigineqartup suliami matumani piffissaq pinerluffiusoq sioqqutitsiarlugu oqarasuaammik tillinneq pillugu 2.000 kr.-imik akiliisinneqartussatut eqqartuunneqartoq, aamma allaatigineqartut malillugit pigisat tillinneqartut arlaatigut naleqarsimanerat naatsorsuutigineqartariaqarpoq. 

Nunatta eqqartuussisuuneqarfiata pissutaasut taakku tunngavigalugit isumaqatigaa tapiliutitut akiliisitsisoqartussatut eqqartuussisoqartariaqartoq.

Pisimasoq 2019-imi decembarimi pivoq, aamma eqqartuussisoqarfiup eqqartuussutaani allassimavoq eqqartuussiviup unnerluussisussaatitaasulluunniit atugaat piffissap suliamik suliarinninnermut atorneqartup sivisuneranut pissutaanerusut. Tamanna tunngavigalugu aamma pinerlunnermik suliaq pisariunngitsoq pineqarmat eqqartuussisoqarfiup eqqartuussutaa aalajangersarneqarpoq, allannguutitulli tapiliutitut akiliisitsineq 1.500 kr.-imut apparneqarpoq.

Eqqartuussisoqarfiup eqqartuussutaa aalajangersarneqarpoq, allannguutitulli akiliisitsineq 1.500 kr.-imut apparneqarpoq.

Suliap normua: K 248/23

Eqqartuussissutit nasuiaatillu (kingusinnerusukkut ikkutissaaq)