29 jan 2024
Nunatta Eqqartuussisuuneqarfia
Ulluni 14-ini inissiisarfimmiittussanngorlugu eqqartuunneqarpoq - K 209/23
Eqqartuussisut allattorsimaffiata assilineqarnerat eqqartuussullu kalaallisut perusukkukku Nunatta Eqqartuussisuuneqarfia attavigisinnaavat.
Eqqartuussissut Nunatta Eqqartuussisuuneqarfianit oqaatigineqarpoq ulloq 29. januar 2024
Politiinut saaffinnittarfimmut nalunaarutigineqartumit, eqqartuussutissamik isumaqatigiinniuteqarnermi tusarnaartinneqartumit, erserpoq ilisimannittoq oqartoq ”angutaatiga isaariami aallaavoq” unnerluutigineqartullu sakia arnaq aperineqarami kina aallaanersoq, oqarpoq unnerluutigineqartoq aallaasoq. Tamatuma sumiiffimmik pinerluffiusumik misissuinermi paasissutissanut, 30-6-imut aqerlumut naapertuuttumik qilaami putoqarneranik qalianilu aallaasoqarneratigut putoqarsinnaaneranik allassimasumut, sanilliunneratigut nunatta eqqartuussisuuneqarfiata uppernarsarneqarsoraa unnerluutigineqartoq isaariami aallaasimasoq. Unnerluutigineqartoq taamaattumik allakkamut unnerluussummut naapertuuttumik pisuutinneqarpoq.
Unnerluutigineqartoq taamaattumik pinerluttulerinermi inatsimmi § 90, imm. 3-mik unioqqutitsisimasutut pisuutinneqarpoq. Ulloq 9. februaari 2022 inatsisissatut siunnersuuteqarnikkut aalajangersagaq pinerluttulerinermi inatsimmut ilanngunneqarpoq, oqaaseqaatinilu allassimavoq allannguutissatut siunnersuut inuiaqatigiit sumiiffinni illoqartuni aallaasersornermut sukanganerusumik isiginnilersimanerannut takussutissaasoq, aamma sualuttumik pinerluttuliornerusoq. Tassa inatsisiliortut siunertarisimavaat pinerlut-tulerinermi inatsimmi taamaattunik unioqqutitsinerit pillugit pineqaatissiissutit sukaternissaat.
Eqqartuussiviup sakkortusaataasoraa illup arlalinnik inoqartup iluani aallaasersortoqarsimanera, taamaattumik pineqaatissiissut ulluni 14-ini inissiisarfimmiittussanngortitsinertut aalajangersarneqarpoq.
Unnerluutigineqartoq siusinnerusukkut pineqaatissinneqarsimanngilaq, aamma inuttut atugaasa pitsaasorujussuuneri eqqarsaatigalugit nunatta eqqartuussisuuneqarfiata ataani aalajangerneqartutut pineqaatissiissut utaqqisitanngortinneqarsinnaasoraa.
Unnerluutigineqartoq ulluni 14-ini inissiisarfimmiittussanngorlugu utaqqisitamik eqqartuunneqarpoq. Ukiumi ataatsimi piffissatut misiliutaasup kingorna pineqaatissiissutip naammassineqarnissaa kinguartinneqassallunilu atorunnaarsinneqassaaq.
Suliap normua: K 209/23
Eqqartuussissutit nassuiaatillu (kingusinnerusukkut ikkutissaaq)