Kal. Nunaanni Eqqartuussivik

Kalaallit Nunaanni Eqqartuussiviup akiliisinnaannginnermi suliassat (akiligassalinnut suliassat) Kalaallit Nunaanniittut tamaasa suliarisarpai.
Tassa suliarisarpavut ilaatigut suliassat:

• Akilersuinermik unitsitsinerit
• Akiliisinnaajunnaarnerit
• Akuerineqartariaqartumik isumaqatigiissutit
• Akiitsunik iluarsartuineq
• Aktiaatileqatigiiffinnik aamma anparteqatigiiffinnik pinngitsaaliissummik atorunnaarsitsinerit

Akilersuinermik unitsitsinermik nalunaarut, akiliisinnaajunnaartutut nalunaarutigineqarnissannut qinnuteqaat, akuerineqartariaqartumik isumaqatigiissuteqarneq, qanoq akiliinissamik isumaqatiginninniarneq imaluunniit akiitsunik iluarsartuinermut qinnuteqaat tunniutissavat Kalaallit Nunaanni Eqqartuussivimmut:

• Ilinnut akiligassalik, Kalaallit Nunaanni inussutissarsiutigisaminik suliffeqarfiuteqarpat
• Ilinnut akiligassalik, Kalaallit Nunaanni eqqartuussisoqarfiit ilaanni angerlarsimaffeqarpat

Saqitsaannermik suliassaq eqqartuussivinni suliassaavoq, suliamut peqataasup (suliassiisup) eqqartuussivimmit ikiorseqqusup suliamut peqataasumit allamit (suliassanngortitamit) piumasaqaatiminik naammassinninnissaminut.

Saqitsaannermik suliassat pinngortarput, illuatungeriit isumaqatigiissinnaajunnaaraangata, taamaattumillu illuatungeriusup eqqartuussivimmit ikiorserneqarnissani siunertaralugu aalajangeeqqusisarpoq illuatungerisamut pinngitsaaliissutitut naammassitinneqarsinnaasumik. Suliassiisutut suliaq ajugaaffigissagukku piumasaqaatit uppernarsaatissaqartittariaqassavat.

Saqitsaannermik suliassami suliassiisup piumasaqaataa tassaasinnaavoq, suliassanngortimit:

• aningaasanik akiliissasoq
• erseqqarinnerusumik allaaserineqarsimasumik qanoq iliuuseqassasoq
• erseqarinnerusumik allaaserineqartumik qanoq iliuuseqarnini unitsissagaa, imaluunniit
• pisinnaatitaaffimmik akuerinnissasoq

Saqitsaannermik suliassat eqqartuussivimmi imaluunniit Kalaallit Nunaanni Eqqartuussivimmi aallartinneqartarput. Illuatungeriit tamarmiullutik eqqartuussut nunap eqqartuussisuuneqarfianut suliareqqitassanngortissinnaavaat.

Saqitsaannermik suliassat pillugit suleriaaseq nutaaq

Saqitsaannermik suliassami ajugaasimaguit, aningaasanik piumasaqaatinnut tunngatillugu, taava tamatuma kinguneranik akiliisitsiniaanermi eqqartuussivik ikiortiserisinnaavaat aningaasat akilersinniarneqarnerinut.

Akiliisitsiniarnermi suliassiissutissaasinnaasoq taamaallaat aallartinneqarsinnavoq illuatungerisap suliaq suliareqqitassanngortissimanngippagu. Taamaanngippat nunap eqqartuussisuuneqarfiata eqqartuussuteqarnissaa utaqqeqqaartariaqassavat.

Pisortani nalunaarsuinermi pineqarpoq pisinnaatitaaffiit aamma nalillit peqataasut pingajuannut illersorneqarnissaat. Nalunaarsuisimaneq piumasaqaataasinnaavoq, pisinnaatitaaffiup atuutsinneqarnissaanut.

Nalunaarsuineq

Nalunaarsuineq Kalaallit Nunaanni Eqqartuussivimmi immikkoortortaqarfiuvoq, tassanilu suliarineqartarput pisortatigoortumik pisinnaatitaanernik nalunaarsuineq illumut aamma pinik nuunneqarsinnaasunik tunngasunik kiisalu aappariit aalajangersagaat aamma nammineersinnaajunnaarsitsinerit.

Nalunaarsuineq ilaatigut pisariaqarpoq pappilissatut qularnaaqqutitut pisinnaatitaafiup illersorneqarnissaanut kingusinnerusukkut isumaqatigiissuteqarnissanut aammalu eqqartuussivikkoortumik malersorneqarnissamut. Nalunaarsuineq aamma immini atuutsitsinissamut piumasaqaataasinnaavoq.

Tamatigut isumassarsiatsialaavoq eqqartuussissuserisumut saaffiginnikuit, illumik piginnittuunermut uppernarsaat imaluunniit pappialaq uppernarsaat nalunaarsortissagukku. Aningaasanut tunngasuuppat, aningaaserivimmut saaffiginnissinnaavutit.

Kalaallit Nunaanni Eqqartuussiviup pisinnaatitaanermut nalunaarsuinerit suliarisarpai. 

Ilitsersuut

Immersugassaq

Qanoq iliussaanga?

Kalaallit Nunaanni Eqqartuussivik nalunaarsuinermut apeqqutissaqaruit saaffigiuk.  

Attavik

Eqqartuussivimmi imaluunniit Kalaallit Nunaata Eqqartuussiviani suliassiiniaruit, eqqartuussivimmut akitsuut akileqqaartussaavat.

Eqqartuussivimmi akitsuutit suliat qanoq ittuneri aalajangiisuutillugit assigiinngitsuupput:

Saqitsaannermik suliassat: 500 koruunit
Akileeqqqusilluni suliassat: 500 koruunit
Akiliisitsiniarnermi suliassat: 300 koruunit
Uppernarsaatinik pissarsiniarnerit (misissuineq naliliinerlu): 400 koruunit
Illumik pinngitsaaliissutikkut tuniniaasitsineq: 500 koruunit
Piginneqataasutinik aktianik, akiligassaqarnermut uppernarsaatinik piumasaqaatillu allat: 300 koruunit

Akitsuutit immikkut ittuupput suliareqqitassanngortitsinermi.

Eqqartuussivimmi akitsuut saqitsaannermi suliassani annertussuseqarpoq 500 koruuninik allanngortinneqarneq ajorpoq, ataatsikkut inuit arlallit suliami ataatsimi suliassanngortikkukkit. Aamma eqqartuussivimmi akitsuut ataasiinnaavoq, arlaliulluni taanna imaluunniit taakku suliassanngortikkussigit.

Akiliisitsiniaarnermi ataatsikkut inuit arlallit suliassanngortikkukkit, eqqartuussivimmi akitsuut ataaseq akiligassalimmut ataatsimut, eqqartuussiviup aningaasanik akileeqqusassaanut, tunngasoq akilissavat.

Arlaata suliassanngortitsissutigisimappatit, namminerlu taanna piumasaqaateqarfigisassaralugu, taava aamma eqqartuussivimmi akitsuut akilertariaqassavat.

Arlaannit akiligassaqarfigineqaruit ilinnut iluaqutaasinnaavoq akileeqqusilluni suliamik aallarniiguvit, taamaalillutit akiliisitsiniarnermi suliassami eqqartuussivimmut akitsuut tassunga ilaariissammat. Tamannali taamaallaat atorpoq, illuatungerisat akerliliinngippat.