Nunatsinni Eqqartuussivik

Nunatsinni Eqqartuussivik

Uani atuarsinnaavat Nunatta Eqqartuussiviata aaqqissuussaanera, suliassat, sulianut piffissaliunneqartut aammalu ukiumut nalunaarutit.

Kalaallit Nunaanni Eqqartuussiviup pingaarnerpaamik suliassarai suliat siullermeeriffiusumik aalajangiiffigisassat ima ajornakusoortuutiginertik pissutigalugu eqqartuussisumit inatsisilerituutut ilinniarsimasumit aalajangiiffigineqartariaqartut.

Aamma eqqartuussisoqarfiit inatsisilerinermut tunngasunik apeqqutissaqaraangata Kalaallit Nunaanni Eqqartuussivimmi inatsisilerituut ilitsersuisarput.

Kalaallit Nunaanni Eqqartuussivik akiliisinnaannginneq pillugu sulianik suliaqartarpoq – soorlu akiliisinnaajunnaarnernik aamma akiitsunik iluarsartuinernik. Kalaallit Nunaanni Eqqartuussiviup piginnittuunermik nalunaarsuineq isumagisarpaattaaq.

Eqqartuussisoqarfiit saqitsaanermik suliat pinerluttulerinermillu suliat ajornakusoortut tunngaviusussamillu aalajangiiffigisassat Kalaallit Nunaanni Eqqartuussivimmut innersuussutigisinnaavaat.

Saqitsaanermik suliami illuatungiusup suliaq Kalaallit Nunaanni Eqqartuussivimmut innersuussutigeqqusinnaavaa, suliaq pineqartumut sunniutilerusujussuarmik pingaaruteqarpat. Pinerluttulerinermi suliani taamaattoqartanngilaq.

Kalaallit Nunaanni Eqqartuussivik eqqartuussiviuvoq ungasissorsuunngitsukkut pilersinneqartoq, eqqartuussiveqarnermik nutarterinermut 2010-mi ukiortaamiit atuutilersumut atatillugu atulersinneqartoq. Taamaaliornermi eqqartuussisoqarfiit eqqartuussisuuneqarfimmiit immikkuulernissaat ilaatigut siunertarineqarpoq. Eqqartuussisuuneqarfik taakkuninnga siornatigut ilitsersuisuusaraluarpoq.

Paasissutissat kingulliit: 11. marsip 2020