Eqqartuussivinnut akitsuut

Kalaallit Nunaata Eqqartuussivianut aningaasanik akiliissaatit kontonormumut:

6471-1032663

Eqqartuussivimmut akitsuut akilerukku eqqaamassavat allassagakkit,

• atit
• illuatungiusup atia
• journalnormut, taamaattoqaruvit
• eqqartuussiviup sul.nr., tamanna ilinnut paasissutissiissutaasimappat.

Paasissutissat pingaaruteqartorujussuupput, imaassinnaammat eqqartuussisoqarfiup suliaq itigartitsissutigigaa akiliisimanngikkuit, eqqartuussiviup akiliutit suliamut aalajangersimasumut ataqatigiississinnaanngippagu.

Taamaattoqartillugu akiliutitit utertinneqassapput.

Eqqaamallugu eqqartuussivimmut akitsuutip akilersimaneranut uppernarsaat suliassiissummut ilanngullugu nassiutissagakku eqqartuussivimmut suliassaatinnik suliarinnittussamut.

Suliap eqqartuussivimmut nassiunneranut peqatigitillugu eqqartuussivimmut akitsuut akilersimanngikkikku, Kalaallit Nunaanni Eqqartuussiviup akitsuutileriffianiit allagarsissaatit imaluunniit mail-imik nassinneqassaatit, tassanilu ullunik 14-nik piffissalerneqassallutik akiliinissannut.

Piffissaliussaq aallartissaaq allakkat ullulerneqarneranniit, taanna sivitsorneqassanngilaq. Piffissaliussaq malinneqanngippat suliaq itigartitsissutigineqarsinnaavoq eqqartuussivimmit suliamik suliarinnittussamit.

Saqitsaannerit pillugit suliassat:

Naamik, suliakkiissutitit ataasiakkaarlugit eqqartuussivimmi akitsuutitai akilissavatit.

Ataatsikkut sulianik assigiinngitsunik inunnut assigiinngitsunut suliakkiiguit taamaalillutillu eqqartuussivimmi akitsuummik akiliillutit, taava suliat ataasiakkaarlugit eqqartuussivimmi akitsuummik akiliiffigissavatit, taamaattumik suliat ataasiakkaarlugit nutaamik akiliiffigiuaannassavatit.  

Assersuutigalugu suliffeqarfiuteqaruit, sullitappillu ilaata 2.000 kr.-imik akiligassaqarfigalutit, allallu 3.000 kr.-imik, taakkulu akiliiumanngippata, taava marloriarlutit akiliutigissavat 500 kr.-i, akiliinermi allagartanut assigiinngitsunut marlunnut. Tassa imaappoq, suliaq ataaseq, akitsuut ataaseq. Ataatsimoortitsillutit 1.000 kr.-it akiliutigisinnaanngilatit.

Akiliisitsiniarnermik suliassat:

Akiliisitsiniarnermik suliassami illuatungerisatit tamaasa immikkut pillugit eqqartuussivimmi akitsuutinik akiliissaatit, aamma suliassaq ataatsitut suliarisassanngortikkaluarukkuluunniit.

Illuatungerisat aappartut inooqatigigukku immikkut malittarisassaqassaaq.

Suliaq inissiamut, akiitsoqartut piginneqataaffigisaannut, tunngaguni aamma immikkut malittarisassaqassaaq.

Nalorniguit Nunatsinni Eqqartuussivik aperiuk.

Suliamik aallartitaqaruit noqqaasut Kalaallit Nunaata Eqqartuussivianut  nassiunneqassaaq.

Saqitsaanneq pillugu suliassamik aallartitsiguit sassaqqusissut Nunatsinni Eqqartuussivimmut nassiunneqassaaq.

Akiliisitsiniarnermik suliassamik aallartitsiguit noqqaassut illuatungerisavit illoqarfimmi najugaani eqqartuussisoqarfimmut nassiunneqassaaq.

Saqitsaanneq pillugu suliassami eqqartuussivimmi akitsuutit akilereerukkit Nunatsinni Eqqartuussiviup illit pillutit suliaq suliaralugu aallartissavaa.

Kisianni eqqartuussivimmut akitsuut Kalaallit Nunaata Eqqartuussivianut akilerneqassalluni.

Eqqartuussivimmut akitsuut akilereerukku, taava Kalaallit Nunaata Eqqartuussivianit akiliinermut uppernarsaatip assilineqarnera eqqartuussisoqarfimmut nassiunneqassaaq.

Tamatuma kingornatigut eqqartuussisoqarfiup suliassanngortitsissutigisat suliaralugu aallartissavaa.

Suliareqqitassanngortitsissutit Nunatta Eqqartuussisuuneqarfianut saqqummiunneqassapput.

Eqqartuussivimmi akitsuut tassaavoq akitsuut suliassanngortitsiniaruit akiligassat. Eqqartuussivimmi akitsuut akilinngikkukku eqqartuussisoqarfimmut suliassanngortitsinippit nassiunnerani, suliassanngortitsissutit itigartitsissutigineqassaaq. Aallaqqaammulli allakkanik nukingisaarutinik tigusaqaqqaarumaarputit.

Saqitsaannermik suliani, eqqartuussummik naammassisitsiniaalluni suliani, suliani uppernarsaasiiffiginiakkani (nalinginnaasumik misissuisitsineq aamma naliliisitsineq), pinngitsaaliissummik tuniniaanermi suliani, suliani aalajangeqqitassanngortitani aamma suliani suliareqqitassanngortitani.

Eqqartuussut suliareqqitassanngortikkukku imaluunniit aalajangigaq aalajangeqqitassanngortikkukku, taava suliassanngortitsissutigisappit suliarineqarnissaanut eqqartuussivimmi akitsuummik akileeqqissaatit.

Ataani takusinnaavaatit akigitinneqartut:

• Eqqartuussut Nunatta Eqqartuussisuuneqarfianut suliareqqitassanngortitaq: 750 kroner
• Aalajangigaq Nunatta Eqqartuussisuuneqarfianut aalajangeqqitassanngortitaq: 400 kroner
• Eqqartuussut Eqqartuussiviit Qullersaannut suliareqqitassanngortitaq: 1.500 kroner
• Aalajangigaq Eqqartuussiviit Qullersaannut aalajangeqqitassanngortitaq: 750 kroner

Eqqartuussivimmi akitsuut saqitsaannermi suliassani annertussuseqarpoq 500 koruuninik allanngortinneqarneq ajorpoq, ataatsikkut inuit arlallit suliami ataatsimi suliassanngortikkukkit. Aamma eqqartuussivimmi akitsuut ataasiinnaavoq, arlaliulluni taanna imaluunniit taakku suliassanngortikkussigit.

Akiliisitsiniaarnermi ataatsikkut inuit arlallit suliassanngortikkukkit, eqqartuussivimmi akitsuut ataaseq akiligassalimmut ataatsimut, eqqartuussiviup aningaasanik akileeqqusassaanut, tunngasoq akilissavat.
Arlaata suliassanngortitsissutigisimappatit, namminerlu taanna piumasaqaateqarfigisassaralugu, taava aamma eqqartuussivimmi akitsuut akilertariaqassavat.