Pisinnaatitaaffinnik nalunaarsuineq

Nalunaarsiuivik attavigineqarsinnaavoq: 

Oqarasuaat: +299 36 38 20

Mail: registreringspost@domstol.gl

Ammasarfiit: Ullut tamaasa: 9.00 - 12.00

Oqarasuaatikkut piffissat: Ullut tamaasa: 10.00 - 12.00

Illuutigisamik pisinnaatitaaffigisat nalunaarsorneqarneri tassaasinnaapput illuutigisamik piginnittuunermik nalunaarsuineq imaluunniit illuutigisamik taassuminnga akiligassaqarfiup qularnaveeqqusiussisinnaatitaaneranik nalunaarsuineq.

Piginnittuunermik uppernarsaat

Piginnittuunermik uppernarsaat tassaavoq aalajangiisoq, illuutigineqartup kimit pigineqarnera pillugu.

Illuutigisamik piginnittuunermut uppernarsaat nalunaarsorneqarsinnaavoq, kisianni piginnittumut tamanna pinngitsaaliissutaanngilaq.

Nalunaarsuineq uppernarsaatitut atorneqartarpoq, tassa piginnittup illuutigisaminut pisinnaatitaaffeqarneranik, piffissaq nalunaarsorneqarfia aallarnerfigalugu.

Taamaattorli piginnittuunermut uppernarsaatip siusinnerusukkut nalunaarsorneqarsimanngitsumik piginnittuusimanermi pisinnaatitaaffimmik tammartitsisinnaanngilaq.

Piginnittuunermi uppernarsaatini ilaatigut makkua ilaatinneqarput:

Illumik piginnittuunermut uppernarsaat (illumik pisinermi aamma illumik tunisinermi)

• Eqqartuussiviup uppernarsaasiissutai (kingornussassalerinermut atatillugu toqusup pigisaanik illumik tigusinermi)
• Piginnittuunermut nalunaarut (illunut siusinnerusukkut nalunaarsorneqarsimanngitsunut – imaluunniit piginnittuunermut uppernarsaat tammarneqarsimappat)
• Akiliisinnaajunnaarnermik nalunaaruteqartoqarneq (pigisanik agguaassisarnermi eqqartuussisiviup paasissutissiinera, illumik piginnittoq akiliisinnaajunnaartutut suliarineqartoq, illulu taamaallaat pigisanik nakkutilliisuutitamit akisussaaffigineqarsinnaasoq)

Qularnaveeqqusiinermi uppernarsaasiissutit

Illuutigisamik qularveeqqusiussisussaatitaaneq pisinnaatitaaffiuvoq akiligassaqarfimmut (qularnarveeqqusiussisinnaatitaasumut) akiligassallip akiligassaanut matussutissatut (akiligassanut qularnaveeqqusiisumiit) akiligassallip illuutaata tuninerani iluanaarutaasunut (qularnaveeqqusiussap suunera)

Illuutigisamik qularveeqqusiussisussaatitaaneq pilersinneqarsinnaavoq isumaqatigiissusiornikkut (qularnaveeqqusiinermi uppernarsaat) imaluunniit eqqartuussisoqarfitsigoortitsinikkut (akiliussinikkut).

Illuutigisamik qularveeqqusiussisussaatitaaneq nalunaarsorneqassaaq tassani anguniarlugu illumik piginnittoq upperalugu kingusinnerusukkut isumaqatigiissusiunnginniissaa imaluunniit eqqartuussisulersornissaq pinaveersimatinniarlugu. Taamaalilluni illuutigisamik qularveeqqusiussisussaatitaaneq siusinnerusukkut suliarineqarsimasumut, kisiannili illuutigisamik qularveeqqusiussisussaatitaaneq nalunaarsorneqarsimanngitsoq atorsinnaasani.

Pigisat nuunneqarsinnaasut pillugit qularveeqqusiussisussaatitaaneq pisinnaatitaaffiuvoq akiligassaqarfimmut (qularnarveeqqusiussisinnaatitaasumut) akiligassallip akiligassaanut matussutissatut (akiligassanut qularnaveeqqusiisumiit) akiligassallip pigisaata nuunneqarsinnaasup, assersuutigalugu biilit, umiatsiaq imaluunniit qamuteralak tuninerani iluanaarutaasunut (qularnaveeqqusiussap suunera)

Illuutigisamik qularveeqqusiussisussaatitaaneq pilersinneqarsinnaavoq isumaqatigiissusiornikkut (qularnaveeqqusiinermi uppernarsaat) imaluunniit eqqartuussisoqarfitsigoortitsinikkut (akiliussinikkut).

Pigisat nuunneqarsinnaasut pillugit qularveeqqusiussisussaatitaaneq nalunaarsorneqassaaq tassani anguniarlugu pigisanik nuunneqarsinnaasunik piginnittoq upperalugu kingusinnerusukkut isumaqatigiissusiunnginniissaa imaluunniit eqqartuussisulersornissaq pinaveersimatinniarlugu.

Pigisanik nuunneqarsinnaasunik qularveeqqusiussisussaatitaaneq eqqartuussisulersuussinikkut pilersinneqarsimasoq (akiliussinikkut) aallaavittut nalunaarsugaasinnaanngilaq. Tamatumani sallunaveeqqutitut iliuuserisaq tassaammat atuisussaatitaanermik piginnaatitaaffiiagaaneq.

Taamatullu aamma qularnaveeqqusiussinermi piginnaatitaaffinni aalisarsinnaatitaanermut pisinnaatitaaffiit pillugit nalunaarsorneqartarput pigisat nuunneqarsinnaasut nalunaarsorneqartarneri assigalugit qularnaveeqqusiussinermi.

Illumut pigisannut immikkut piumasarineqartunik peqaruit, imaappoq, killilimmik illup pigisappit atorsinnaaneranut tunngasumik. Immikkut piumasarineqartunut uppernarsaat tassaavoq, illup atorneqarnissaanut atatillugu illumik piginnittumut killilersuutigineqartunik aalajangersagaq.

Immikkut piumasaqaatit pingaarnertut imarisaata ilaatut ersersinneqarsinnaavoq, assersuutigalugu illumik piginnittuunermik uppernarsaat.

Immikkut piumasaqaatinut uppernarsaammi ilaatigut ilaatinneqarput:

• Inigisat nammineq pigisat peqatigiiffiisa malittarisassaat

• Eqqissisimatitsinissaq pillugu aalajangiinerit
• Innaallagissat. Aamma eqqakkat aqqutaat sullullit pillugit uppernarsaatit
• Attartornermi isumaqatigiissutit immikkut ittumik piumasaqaatitallit – assersuutigalugu piseqqaartussaatitaaneq imaluunniit taamaatinneqarsinnaannginnera pillugu isumaqatigiissutit.

Illumi immikkut piumasarisat nalunaarsorneqassapput inatsisini allassimasoqarpat, assersuutigalugu eqqissisimatitsisussaatitaaneq pillugu inatsimmi. Kisiannili sinnerinut piumasaqataanngilaq.

Nalunaarsuineq atuuppoq piffissami nalunaarsuinerup pinerata nalaani illumik atuisinnaanermi killilersuutigineqartut pillugit qanoq isikkoqarsimaneranut uppernarsaatitut.

Aappariit aalajangersagaat tassaavoq katimasut akunnerminni isumaqatigiissutaat – imaluunniit aappariit pissiariit – aappariinnerup iluani pigisat nalillit pigisaat pillugit. Aappariit aalajangersagaanni aappariit isumaqaatigiissutigisinnaavaat:

Avinnermi immikkut pigisat

Aappariit pigisaat agguaanneqassanngillat averusernermi imaluunniit avinnermi, kisianni aatsaat toqukkut qimaguttoqarneratigut.

Tamakkiilluinnartumik immikkut pigisaqarneq

Aappariit pigisaat agguarneqarsanngilluinnarput – aamma averusertoqassagaluarpat, avittoqassagaluarpat imaluunniit toqukkut qimaguttoqassagaluarpat.

Ataqatigiissaaraluni immikkut pigisaqarneq

Aappariit pigisaat averusertoqarneratigut imaluunniit avittoqarneratigut agguarneqassanngillat.

Pigisat siulliulluni toqukkut qimaguttup pigisai, avinnermi immikkut pigisaapput, toqukkullu qimagunnermut atatillugu agguarneqassallutik.

Illuatungaanili sivisunerusumik inuusup pigisai, tamakkiilluinnartumik immikkut pigisaapput aapparisap toqukkut qimagunneratigut.

Tassa piviusumik imaappoq, aapparisaq sivisunerusumik inuusoq aappariit ataatsimut pigisaannit annerusumik pisassaqassaaq, uisup nuliaasulluunniit pisassaqarsimasinnaanerigaluanit.

Siulliulluni toqukkut qimaguttup pigisaanik agguaasoqassaaq toqukkut qimagunnerata kingornatigut. Sivisunerusumik inuusup aappariit ataatsimut pigisaasa affai pigisani agguagassarsiatut pissavai. Tamatuma saniatigut kingornussassat affaasa pingajoraarterutai pissallugit.

Aamma sivisunerusumik inuusup toqqarsinnaavaa pigisat nikisinnagit pigiinnarlugit tassani avinnermi immikkut pigisaqarnertut, siulliulluni toqukkut qimagussimasoq kingornussisussaqarsimappat (qitornat).

Ilamininnguanik immikkut pigisat

Aappariinnermi aalajangersakkami ilaatinneqarput aappariit pigisaasaa ilaat, sinnerini nalinginnaasumik pigisanik nalilinnik ataatsimut pigisaqarfiulluni.

Aappariit iluanni immikkut ittumik annertuunik tunissutit aamma aappariinnermi aalajangersakkami atuutissapput, aappaasup tunissuteqartuusup akiligassaqarfiinut.

Aappariinnermi aalajangersagaq inatsisitigut atuutissaguni nalunaarsorneqassaaq – aappariit namminneq iluminni aammalu avatangiisinut atatillugu.

Nalunaarsuisarfik siunnersuissanngilaq aappariinnermi aalajangersagaq pillugu. Illuatungeriit aappariinnermi aalajangersagaliornissamik eqqarsaateqartut inatsisilerituumit eqqartuussissuserisumit siunnersorneqartariaqarput.