11 sep. 2020
Føroya Rættur
Domstolsstyrelsen søkir sakkøn til smámálsgongdina í Føroya Rætti
Domstolsstyrelsen søkir sakkøn til Føroya rætt, sum kunnu koma við íkasti til dygdina av avgerðum í smáum borgarligum málum, har fakligur serkunnleiki hevur týdning fyri máls-gongdina. Umsóknarfreistin er 8. oktober 2020.
Domstolsstyrelsen søkir sakkøn til Føroya rætt, sum kunnu koma við íkasti til dygdina av avgerðum í smáum borgarligum málum, har fakligur serkunnleiki hevur týdning fyri málsgongdina. Umsóknarfreistin er 8. oktober 2020.
Tann 1. januar 2021 kemur nýggj føroysk rættargangslóg í gildi. Við nýggju føroysku rættargangslógini koma reglur um viðgerð av borgarligum málum viðvíkjandi krøvum við fíggjarligum virði á í mesta lagið 50.000 kr. ella krøvum uttan fíggjarligt virði, eisini kallað smámálsgongdin (småsagsprocessen), sí kapittul 49 í lógaruppskotinum.
Domstolsstyrelsen fær í hesum sambandi heimild til at útnevna fólk ella feløg til at gera sakkønar metingar ella frágreiðingar til málini í smámálsgongdini í Føroya rætti.