Notarius publicus

Allar notartænastur skulu  avtalast frammanundan (minst 1 dag). Tíð hjá notarinum kann avtalast á telefon 31 10 03 millum kl. 9 – 15.

Um tín samleiki skal váttast á notarskrivstovuni krevst, at tú hevur almenna løgváttan við, við mynd á. Til dømis pass ella koyrikort.   

Um tú skalt skriva undir eitt arvaskjal/testamenti, skalt tú hava hetta við:

• Tvey eintøk av testamentinum
• Eina framsíðu til testamenti – framsíðan fæst her
• Notarurin vil eftirkanna tín samleika og tryggja, at tú er tann tú sigur teg vera, og sum undirritar testamenti. Umframt vil notarurin tryggja sær at tú veit hvat tað er tú ger við undirskrivingini, til dømis við at umrøða innihaldið í testamentinum. Notarurin tryggja sær tó ikki um tað sum stendur í testamentinum er galdandi, tann ábyrgdin áliggur tær sum undirritar, tí kann tað vera eitt gott hugskot at fáa tað gjøgnumgingið t.d. hjá advokati. Tá testamenti og eitt avrit er undirskriva hjá notarinum, fær tú eitt eintak og rætturin hevur eitt eintak í varveitslu.

Tá ið ein undirskrift verður váttað, skalt tú gjalda eitt rættargjald á 50 kr fyri hvørt skjal, ið verður skrivað undir.

Váttan fyri hvørt avrit kostar 20 kr í rættargjaldi.

Einki rættargjald skal gjaldast, tá ið arvaskjal/testamenti verður gjørt ella tikið aftur.

Um tað vegna sjúku berst tær frá at møta á notarskrivstovuni, kanst tú ringja á telefon 31 10 03 og avtala eina útkoyrandi notaravgreiðslu, har notarurin kemur til tín.

Í slíkum føri rindar tú sjálv/-ur møguligar útreiðslur av hesum.