Nunatta Eqqartuussisuuneqarfia

Kalaallit Nunaanni Eqqartuussiviit innuttaasunut ammapput. Eqqartuussinerit sapinngisamik amerlanerpaat ingerlappagut, peqqinnissaq eqqarsaatingalugu najoqqutassat malillugit, aamma eqqartuussiviit illutaannut takkulluni saaffiginninnerit ammapput.

Eqqartuussiviit peqqinnissaq eqqarsaatingalugu Covid-19-ip tuniluunnerata killilersimaartinnissaanut innersuussutinik ukkassineq ingerlatiinnassavaat. Taamaattumik inuit eqqartuussiviit illutaanni isersimasinnaasut amerlassusaat killilersimaartariaqarpagut aamma inuit eqqartuussinerni najuussinnaasut amerlassusaat.

Nakorsaanerup innersuussutai paasisaqarfiginerusinnaavatit uani: https://nun.gl/

Inuit napparsimasut eqqartuussiviit illutaanut takkutissanngillat. Eqqartuussinissamut aggersarneqarsimaguit, kisianni napparsimallutit, taava eqqartuussivik attavigissavat tusarniarlugu qanoq iliornissat. Takkutinngiinnassanngilatit eqqartuussivimmut nalunaarsimatinnak.

Kikkut tamaasa kalaallit eqqartuussiviisa arlaannut takkuttussat kaammattorpagut, peqqinnissaq eqqarsaatingalugu Nakorsaanerup innersuussutaanik eqquutitseqqullugit, taassuma ataani innimittarnissamut inunnullu allanut qanillinaveersaarnissamik, assannut sprit-imik atuinissamik assaallu errukulanissaannik innersuussutit.

Kalaallit Nunaanni Eqqartuussisoqarfinnut ornigutsillutit qanermut imaluunniit kiinnamut assiaqummik atuinissaq piumasaqaataanngilaq.